കോവിഡ്​ മാനദണ്ഡങ്ങൾ പാലിക്കാതെ നൂറുകണക്കിനുപേർ; ചെന്നൈ കുമരൻ സിൽക്​സ്​ പൂട്ടി

ചെന്നൈ: കോവിഡ്​ മാനദണ്ഡങ്ങൾ പാലിക്കാത്തതിനെ തുടർന്ന്​ ചെന്നൈയിലെ പ്രമുഖ വസ്​ത്രവ്യാപാര സ്​ഥാപനമായ കുമരൻ സിൽക്സ്​ അടച്ചു. ടി നഗറിലെ കുമരൻ സിൽക്​സ്​ ഷോപ്പിൽ ആളുകൾ തിക്കിതിരക്കുന്ന വിഡിയോ വൻതോതിൽ സമൂഹമാധ്യമങ്ങളിൽ പ്രചരിച്ചിരുന്നു.

കോവിഡ്​ മാനദണ്ഡങ്ങളുടെ ലംഘനം ശ്രദ്ധയിൽപ്പെട്ടതോടെയാണ്​ ചെന്നൈ കോർപറേഷ​െൻറ നടപടി. കോവിഡ്​ മാനദണ്ഡങ്ങൾ പാലിക്കാത്ത സ്​ഥാപനങ്ങൾക്കെതിരെ നടപടി സ്വീകരിക്കുമെന്ന്​ കോർപറേഷൻ മുന്നറിയിപ്പ്​ നൽകി.

ചെന്നൈ കുമരൻ സിൽക്സിൽ നൂറിലധികം പേർ സാമൂഹിക അകലം പാലിക്കാത്തെ വസ്​ത്രങ്ങൾ എടുക്കുന്ന വിഡിയോയാണ്​ പുറത്തുവന്നത്​. ആളുകൾ മാസ്​ക്​ ധരിച്ചിട്ടുമുണ്ടായിരുന്നില്ല. ഒക്​ടോബർ 18നാണ്​ വിഡിയോ പുറത്തുവന്നത്​.

തമിഴ്​നാട്ടിൽ ഏഴുലക്ഷം പേർക്കാണ്​ ഇതുവരെ കോവിഡ്​ സ്​ഥിരീകരിച്ചത്​. 10,600 പേർ മരിക്കുകയും ചെയ്​തു. ചെന്നൈയിൽ രണ്ടുലക്ഷത്തിലധികം കോവിഡ്​ കേസുകൾ റിപ്പോർട്ട്​ ചെയ്​തിരുന്നു. തുടർന്ന്​ കോവിഡ്​ മാനദണ്ഡങ്ങൾ കർശനമാക്കുകയായിരുKumaran Silks shop in Chennai sealed after viral video shows massive crowd violating Covid normsന്നു.