ലോക്ഡൗൺ ജൂൺ 30 വരെ നീട്ടി; തീവ്രബാധിത മേഖലകളിൽ മാത്രം നിയന്ത്രണം

ന്യൂഡൽഹി: കോവിഡ് 19 വൈറസ് വ്യാപനത്തെ തുടർന്ന് രാജ്യത്ത് ‍ഏർപ്പെടുത്തിയ ലോക്ഡൗൺ കണ്ടെയിൻമ​​​​​​​​െൻറ് (തീവ്രബാധിത) മേഖലകളിൽ ജൂൺ 30 വരെ നീട്ടി. തീവ്രബാധിത മേഖലകളല്ലാത്ത സ്ഥലങ്ങളിൽ ജൂൺ എട്ട് മുതൽ നിയന്ത്രണങ്ങളോടെ ഇളവുകൾ അനുവദിക്കും.

മൂന്ന് ഘട്ടമായാണ് തീവ്രബാധിത മേഖലകളല്ലാത്തയിടങ്ങളിൽ ലോക്ഡൗൺ പിൻവലിക്കുന്നത്. ആദ്യ ഘട്ടത്തിൽ ജൂൺ എട്ട് മുതൽ ഹോട്ടലുകൾ, ആരാധനാലയങ്ങൾ, മാളുകൾ എന്നിവ തുറക്കാമെന്ന് കേന്ദ്ര ആഭ്യന്തര മന്ത്രാലയം പുറത്തിറക്കിയ മാർഗ നിർദേശത്തിൽ പറയുന്നു.

ലോക്ഡൗൺ ഇളവ് ഒന്നാം ഘട്ടത്തിൽ

• ജൂ​ണ്‍ എ​ട്ടു മു​ത​ല്‍ ഹോ​ട്ട​ലു​ക​ള്‍, റ​സ്​​റ്റ​റ​ൻ​റു​ക​ള്‍, ഷോ​പ്പി​ങ്​ മാ​ളു​ക​ള്‍,ആ​രാ​ധ​നാ​ല​യ​ങ്ങ​ൾ തു​റ​ക്കും

രണ്ടാം ഘട്ടത്തിൽ

• സ്കൂ​ളു​ക​ളും കോ​ള​ജു​ക​ളും മ​റ്റു വി​ദ്യാ​ഭ്യാ​സ, പ​രി​ശീ​ല​ന സ്ഥാ​പ​ന​ങ്ങ​ളും തു​റ​ക്കു​ന്ന തീ​രു​മാ​നം ജൂ​ലൈ​യി​ല്‍. സം​സ്ഥാ​ന​ങ്ങ​ളു​മാ​യും ര​ക്ഷി​താ​ക്ക​ളു​മാ​യും ബ​ന്ധ​പ്പെ​ട്ട​വ​രു​മാ​യും കൂ​ടി​യാ​ലോ​ചി​ച്ച്  തീ​രു​മാ​നം. ഇ​വി​ട​ങ്ങ​ളി​ല്‍ സാ​മൂ​ഹി​ക അ​ക​ലം പാ​ലി​ക്കാ​നും കോ​വി​ഡ് വ്യാ​പ​നം ത​ട​യാ​നു​ള്ള  മാ​ര്‍ഗ​നി​ര്‍ദേ​ശ​ങ്ങ​ള്‍ കേ​ന്ദ്ര ആ​രോ​ഗ്യ മ​ന്ത്രാ​ല​യം പു​റ​ത്തി​റ​ക്കും

മൂന്നാം ഘട്ടത്തിൽ (സാ​ഹ​ച​ര്യം പ​രി​ശോ​ധി​ച്ച് പിന്നീട്​ തീ​രു​മാ​നി​ക്കു​ന്ന​വ)

• ​വി​ദേ​ശ വി​മാ​ന​യാ​ത്ര, മെ​ട്രോ - റ​യി​ല്‍ സ​ര്‍വി​സ്
• സി​നി​മാ ഹാ​ളു​ക​ള്‍, ജിം​നേ​ഷ്യം, സ്വി​മ്മി​ങ്​​പൂ​ള്‍, വി​നോ​ദ​പാ​ര്‍ക്കു​ക​ള്‍, തി​യ​റ്റ​റു​ക​ള്‍, ബാ​റു​ക​ള്‍, ഓ​ഡി​റ്റോ​റി​യ​ങ്ങ​ള്‍ തു​ട​ങ്ങി​യ​വ 
• സാ​മൂ​ഹി​ക, രാ​ഷ്​​ട്രീ​യ, കാ​യി​ക, വി​നോ​ദ അ​ക്കാ​ദ​മി​ക, സാം​സ്ക്കാ​രി​ക, മ​ത പ​രി​പാ​ടി​ക​ളും മ​റ്റു വ​ലി​യ സം​ഗ​മ​ങ്ങ​ളും.

​കൂടാതെ, രാ​ജ്യ​മൊ​ട്ടു​ക്കും രാ​ത്രി​കാ​ല ക​ര്‍ഫ്യൂ രാ​ത്രി ഒ​മ്പ​ത് മ​ണി മു​ത​ല്‍ പു​ല​ര്‍ച്ചെ അ​ഞ്ച് മ​ണി വ​രെ​യാ​ക്കി. 65ന് ​മു​ക​ളി​ലും 10 വ​യ​സ്സി​ന് താ​ഴെ​യു​മു​ള്ള​വ​രും ഗ​ര്‍ഭി​ണി​ക​ളും മ​റ്റു ആ​രോ​ഗ്യ പ്ര​ശ്ന​ങ്ങ​ളു​ള്ള​വ​രും അ​വ​ശ്യ ആ​രോ​ഗ്യ ആ​വ​ശ്യ​ങ്ങ​ള്‍ക്ക​ല്ലാ​തെ വീ​ട്ടി​ല്‍ നി​ന്നി​റ​ങ്ങ​രു​ത്. ലോക്ഡൗൺ അഞ്ചാം ഘട്ടത്തിലെ മറ്റു ഇളവുകളും നിയന്ത്രണങ്ങളും ഒറ്റനോട്ടത്തിൽ:

തീ​വ്ര​മേ​ഖ​ല​ക​ളി​ൽ

• അ​ക​ത്തേ​ക്കും പു​റ​ത്തേ​ക്കും യാ​ത്ര പാ​ടി​ല്ല
• വീ​ടു​വീ​ടാ​ന്ത​രം നി​രീ​ക്ഷ​ണ​വും ആ​ളു​ക​ളെ പി​ന്തു​ട​ര​ലും തു​ട​രും
• അ​വ​ശ്യ സേ​വ​ന​ങ്ങ​ള്‍ മാ​ത്രം
• തീ​വ്ര​മേ​ഖ​ല​ക​ൾ​ക്ക്​ പു​റ​ത്ത് നി​യ​ന്ത്ര​ണ​വും നി​രോ​ധ​ന​വും സം​സ്ഥാ​ന​ങ്ങ​ള്‍ തീ​രു​മാ​നി​ക്കും
• തീ​വ്ര​മേ​ഖ​ല​ക​ൾ​ക്ക്​  പു​റ​ത്ത് ബ​ഫ​ര്‍ സോ​ണു​ക​ള്‍ നി​ര്‍ണ​യി​ക്ക​ണം

• അ​ന്ത​ര്‍ സം​സ്ഥാ​ന യാ​ത്ര​ നി​യ​ന്ത്ര​ണ​ങ്ങ​ള്‍. സം​സ്​​ഥാ​ന​ങ്ങ​ൾ​ക്ക്​ ആ​വ​ശ്യ​മെ​ങ്കി​ൽ നി​യ​ന്ത്ര​ണ​ങ്ങ​ൾ കൊ​ണ്ടു​വ​രാം
• അ​ന്ത​ര്‍ സം​സ്ഥാ​ന യാ​ത്ര​ക്ക്​ പ്ര​ത്യേ​ക അ​നു​മ​തി​യും ഇ- ​പെ​ര്‍മി​റ്റും വേ​ണ്ട
• സാ​ഹ​ച​ര്യ​ങ്ങ​ള്‍ പ​രി​ഗ​ണി​ച്ച് ആ​രോ​ഗ്യ​കാ​ര​ണ​ങ്ങ​ളാ​ല്‍ സം​സ്ഥാ​ന​ങ്ങ​ള്‍ക്ക് യാ​ത്ര നി​യ​ന്ത്ര​ണ​മാ​കാം
• നി​യ​ന്ത്ര​ണം ആ​വ​ശ്യ​മെ​ന്ന് തോ​ന്നി​യാ​ല്‍ സം​സ്ഥാ​ന​ങ്ങ​ള്‍ വ്യാ​പ​ക​മാ​യി പ​ര​സ്യ​പ്പെ​ടു​ത്ത​ണം
• പാ​സ​ഞ്ച​ര്‍ ട്രെ​യി​നു​ക​ള്‍ക്കും ശ്ര​മി​ക് ട്രെ​യി​നു​ക​ള്‍ക്കും ആ​ഭ്യ​ന്ത​ര വി​മാ​ന സ​ര്‍വി​സി​നും നി​യ​ന്ത്ര​ണ​മി​ല്ല
• വി​ദേ​ശ​ത്ത് കു​ടു​ങ്ങി​യ ഇ​ന്ത്യ​ക്കാ​ര്‍ക്ക് മ​ട​ങ്ങാ​നും പ്ര​ത്യേ​കം നി​ശ്ച​യി​ച്ച വ്യ​ക്തി​ക​ള്‍ക്ക് വി​ദേ​ശ​ത്ത് പോ​കാ​നും നി​യ​ന്ത്ര​ണ​മി​ല്ല
• ച​ര​ക്ക് നീ​ക്കം ഒ​രു സം​സ്ഥാ​ന​വും  ത​ട​യാ​ന്‍ പാ​ടി​ല്ല