മാതാപിതാക്കളെ കോവിഡ്​ കവർന്നു, ഭക്ഷണം നൽകാൻ പോലും ആരും തയാറായില്ല -തകർന്നത്​ മൂന്നു കുട്ടികളുടെ സ്വപ്​നങ്ങളും

പട്​ന: മാതാപിതാക്കളുടെ ചികിത്സക്കായി രണ്ടു ആടുകളെ 11,000 ​രൂപക്കും പശുവിനെ 10,000 രൂപക്കും വിറ്റു. പലതും വിറ്റുപെറുക്കി 2,50,000 ​​രൂപ ചിലവാക്കിയിട്ടും ഞങ്ങൾക്ക്​ അവരെ രക്ഷിക്കാൻ കഴിഞ്ഞില്ല -ബിഹാറിലെ റാണിഗഞ്ച്​ സ്വദേശികളായ മൂന്നു കുട്ടികൾ തങ്ങളുടെ മാതാപിതാക്കൾ കോവിഡിന്​ കീഴങ്ങിയ വിവരം പങ്കുവെക്കു​േമ്പാൾ വിതുമ്പുന്നുണ്ടായിരുന്നു.

46കാരനായ ബിരേന്ദ്ര മെഹ്​തയും 38കാരിയായ പ്രിയങ്ക ദേവിയുമാണ്​ കോവിഡ്​ മൂലം മരണത്തിന്​ കീഴടങ്ങിയത്​. മാതാപിതാക്കളും മൂന്നുമക്കളും സന്തോഷത്തോടെ ക​​​ഴ​ിഞ്ഞുവരു​േമ്പാഴാണ്​ അവരുടെ ജീവിതത്തിലേക്ക്​ വില്ലനായി കോവിഡ്​ കടന്നുവരുന്നത്​. ഇതോടെ 18കാരി സോണി കുമാരിയും 12കാരിയും 14കാരനും മാത്രമായി ആ വീട്ടിൽ.

പിതാവിന്‍റെ ജീവനാണ്​ ആദ്യം കോവിഡ്​ അപഹരിച്ചത്​. പിതാവിന്‍റെ മരണത്തോടെ ആരും സഹായിക്കാനില്ലാതായി. ബിരേന്ദ്രയായിരുന്നു കുടുംബത്തിന്‍റെ ഏക ​ആശ്രയം. ദിവസങ്ങൾക്ക്​ ശേഷം പ്രിയങ്കക്കും രോഗം ബാധിച്ചു. പണമില്ലാതായതോടെ റാണിഗഞ്ച്​ ആശു​പത്രിയിലെ മാതാവിന്‍റെ ചികിത്സയും മുടങ്ങി. വീട്ടിലേക്ക്​ കൊണ്ടുവന്നു. അത്യാസന്ന നിലയിലായതോടെ വീണ്ടും ആശുപത്രിയിലെത്തിക്കാൻ ശ്രമിച്ചെങ്കിലും വഴിമധ്യേ മരിച്ചുവെന്ന്​ കുട്ടികൾ പറയുന്നു.

മേയ്​ ഏഴിനായിരുന്നു മാതാവിന്‍റെ മരണം. പിതാവിന്‍റെ മരണത്തിന്‍റെ ആഘാതത്തിൽനിന്ന്​ കയറിവരുന്നതിനിടെയാണ്​ മാതാവിന്‍റെയും വേർപാട്​.

മാതാപിതാക്കൾ കോവിഡ്​ ബാധിച്ച്​ മരിച്ചതോടെ മൂന്നു മക്കളെയും അയൽവാസികൾ കൊറോണയെ ഭയന്ന്​ അടുപ്പിക്കാതെയായി.മാതപിതാക്കൾക്കൊപ്പമായിരുന്നു ഞങ്ങളുടെ മുഴുവൻ ജീവിതവും. അവരില്ലാത്ത വീട്​ ശൂന്യമായി തോന്നുകയാണെന്ന്​ 12കാരി പറയുന്നു.

പിതാവിന്‍റെ ബൈക്ക്​ വീട്ടിനുപുറത്ത്​ പാർക്ക്​ ചെയ്​തിരിക്കുന്നുണ്ട്​. അത്​ കാണു​േമ്പാൾ ദുഃഖം ഇരട്ടിയാകുമെന്നും മക്കൾ പറയുന്നു. മരുന്നുകടയായിരുന്നു കുടുംബത്തിന്‍റെ പ്രധാന വരുമാന മാർഗം. കട ഇപ്പോൾ അടച്ചിട്ടിരിക്കുകയാണ്​.

പിതാവ്​ മരിച്ചതോടെ ആരും ഭക്ഷണം പോലും തങ്ങൾക്ക്​ നൽകാൻ തയാറായിരുന്നില്ലെന്ന്​ മൂന്നുപേരും പറയുന്നു. പ്രിയങ്കയും ബിരേന്ദ്രയും എട്ടാം ക്ലാസ്​ വരെയാണ്​ പഠിച്ചത്​. അതിനാൽ തന്നെ ഇരുവരുടെയും ആഗ്രഹം മൂന്നു മക്കളെയും പഠിപ്പിച്ച്​ വലിയ നിലയിലാക്കണമെന്നായിരുന്നു. എന്നാൽ അവരുടെ ആഗ്രഹങ്ങൾ പാതിവഴിയിൽ ഉപേക്ഷിച്ചാണ്​ ഇരുവരുടെയും മടക്കമെന്നും കുട്ടികൾ പറയുന്നു.

മാതാവ്​ മരിച്ചതിന്​ ശേഷം മൃതദേഹം വീട്ടിലേക്ക്​ കൊണ്ടുവരാൻ ഗ്രാമത്തലവൻ സരോജ്​ കുമാർ മെഹ്​ത സമ്മതിച്ചില്ലായിരുന്നുവെന്നും കുട്ടികൾ പറയുന്നു. കോവിഡ്​ കാരണം സുരക്ഷ പ്രശ്​നങ്ങളുണ്ടാകുമെന്നായിരുന്നു വാദം. അതിനാൽ തന്നെ മാതാവിന്‍റെ മൃതദേഹം സമീപത്തെ വയലിൽ എത്തിക്കുകയും സംസ്​കരിക്കുകയുമായിരുന്നുവെന്ന്​ സോണി പറയുന്നു. അവിടെതന്നെയായിരുന്നു പിതാവിനും മക്കൾ അന്ത്യവിശ്രമം ഒരുക്കിയത്​. മാതാപിതാക്കളുടെ സംസ്​കാരത്തിന്​ ഗ്രാമവാസികളാരും തിരിച്ചുനോക്കിയില്ലെന്നും അവർ പറയുന്നു. പിന്നീട്​ പിതാവിന്‍റെ മൊബൈൽ ഫോണിലൂടെ എൻ.ജി.ഒ പ്രവർത്തകരെയും സാമൂഹിക പ്രവർത്തകരെയും വിളിച്ച്​ മൂവരും സഹായം അഭ്യർഥിക്കുകയായിരുന്നു. എന്നാൽ മാതാപിതാക്കളുടെ മരണശേഷം തങ്ങൾക്ക്​ സാമ്പത്തിക സഹായമായി കുറച്ചുപേർ ബാങ്കിൽ പണം നിക്ഷേപിച്ചുവെന്നും കുട്ടികൾ പറയുന്നു.

മറ്റു സംസ്​ഥാനങ്ങളിൽനിന്ന്​ മടങ്ങി ഗ്രാമത്തിലെത്തുന്നവർക്കാണ്​ കൂടുതലും കോവിഡ്​ സ്​ഥിരീകരിക്കുന്നത്​. ചിലർക്ക്​ മരണാനന്തര ചടങ്ങുകളിൽ പ​ങ്കെടുത്തതുവഴിയും രോഗം കിട്ടി. അത്തരത്തിൽ ഊഹാപോഹങ്ങൾ നിലനിൽക്കുന്നതിനാലാണ്​ ആരും സഹായിക്കാൻ തയാറാകാത്തതെന്ന്​ ഗ്രാമത്തലവൻ സരോജ്​ മെഹ്​ത പറയുന്നു.

സോണിയുടെ മാതാപിതാക്കളും അത്തരത്തിലൊരു മരണാനന്തര ചടങ്ങിൽ പ​െങ്കടുത്തിരുന്നു. ഏപ്രിൽ 16ന്​ പ്രിയങ്കയുടെ പിതാവ്​ മരിച്ചതോടെയായിരുന്നു. ഇതിൽ പ​ങ്കെടുത്ത്​ ഒരാഴ്​ചക്കുശേഷം ബിരേന്ദ്രക്ക്​ പനിയും ചുമയും തുടങ്ങി. ഏപ്രിൽ 27ന്​ അദ്ദേഹത്തിന്‍റെ ആരോഗ്യനില വഷളായതോടെ പരിശോധനക്ക്​ വിധേയമാകുകയായിരുന്നു. മേയ്​ ഒന്നിന്​ രോഗം സ്​ഥിരീകരിച്ചു. അതേസമയം തന്നെ പ്രിയങ്കക്കും കോവിഡ്​ പോസിറ്റീവായിരുന്നു. മേയ്​ അഞ്ചിന്​ മൂന്നു മക്കളും പരിശോധന നടത്തി, ഫലം നെഗറ്റീവായിരുന്നു.

പിതാവിന്‍റെ ആരോഗ്യനില മോശമായതിനാൽ ആദ്യം റാണിഗഞ്ചിലെ ആശുപത്രിയിലെത്തിച്ചു. അവിടെനിന്ന്​ ഫോർബ്​സഗഞ്ചിലേക്ക്​ പറഞ്ഞുവിട്ടു. അവിടെനിന്ന്​ പർണിയ സദറി​േിക്കും. രണ്ടു ദിവസത്തിനുള്ളിൽ നിരവധി ആശുപത്രികൾ പിതാവിനെയുംകൊണ്ട്​ കയറിയിറങ്ങി. പ്രിയങ്കക്ക്​ അസുഖം മൂർച്ഛിച്ചതോടെ കുടുംബത്തിന്‍റെ സമ്പാദ്യവും തീർന്നിരുന്നു. ഇതോടെ അമ്മ​ തങ്ങളോട്​ മരിക്കുമെന്ന്​ പറഞ്ഞതായി 12കാരി പറയുന്നു.

കോവിഡ്​ ബാധിച്ച്​ മരിച്ചവരുടെ കുട്ടികൾക്ക്​ നാലുലക്ഷം രൂപ ബിഹാർ സർക്കാർ പ്രഖ്യാപിച്ചിരുന്നു. മാതാവിന്‍റെ മരണസർട്ടിഫിക്കറ്റിനൊപ്പം ജില്ല ഭരണകൂടം പണം നൽകിയതായും കുട്ടികൾ പറയുന്നു. പണം എത്ര ലഭിച്ചിട്ടും കാര്യമില്ല. തങ്ങളുടെ മാതാപിതാക്കൾക്ക്​ പകരമാകില്ല മറ്റൊന്നുവെന്നും കുട്ടികൾ പറയുന്നു.