കോവിഡ്: ഗംഗ ദസ്റ ചടങ്ങ് മാത്രമാക്കി ചുരുക്കി; ഹരിദ്വാർ അതിർത്തികളടച്ച് കനത്ത സുരക്ഷയുമായി പൊലീസ്
text_fieldsഹരിദ്വാർ: കോവിഡിെൻറ പശ്ചാത്തലത്തിൽ ഹരിദ്വാറിൽ നടക്കുന്ന ഗംഗ ദസ്റ ചടങ്ങ് മാത്രമാക്കി ചുരുക്കി. ഇതിെൻറ ഭാഗമായി നടക്കുന്ന ഗംഗ സ്നാനവും ഒഴിവാക്കി. ഹരിദ്വാറിലേക്ക് ജനങ്ങളെത്തുന്നത് തടയാൻ കനത്ത സുരക്ഷയാണ് പൊലീസ് ഏർപ്പെടുത്തിയിരിക്കുന്നത്. നഗരത്തിലേക്കുള്ള അതിർത്തികളെല്ലാം അടച്ചിട്ടുണ്ട്. മറ്റ് സംസ്ഥാനങ്ങളിൽ നിന്നും എത്തുന്നവർക്ക് ഹരിദ്വാറിലേക്ക് പ്രവേശനമുണ്ടാകില്ലെന്ന് പൊലീസ് അറിയിച്ചു.
ശ്രീ ഗംഗ സഭ ഉൾപ്പടെ വിവിധ മതസംഘടനകളുമായി നടത്തിയ യോഗത്തിനൊടുവിലാണ് ഗംഗ ദസ്റ ഒഴിവാക്കാൻ തീരുമാനിച്ചത്. ആഘോഷം ചടങ്ങ് മാത്രമാക്കി നടത്തുമെന്നും ഹരിദ്വാർ എസ്.പി കമലേഷ് ഉപാധ്യായ പറഞ്ഞു. എല്ലാവരും കോവിഡ് പ്രോട്ടോകോൾ പാലിച്ച് ഗംഗ ദസ്റ വീടുകളിൽ ആഘോഷിക്കണമെന്നും അദ്ദേഹം അഭ്യർഥിച്ചു.
നേരത്തെ, കോവിഡ് രണ്ടാം തരംഗം അതിരൂക്ഷമായി തുടരുന്ന സാഹചര്യത്തിലും ഹരിദ്വാറിൽ കുംഭമേള നടത്തിയത് വലിയ വിമർശനങ്ങൾക്ക് കാരണമായിരുന്നു. കുംഭമേളക്കിടെ നിരവധി പേർക്ക് കോവിഡ് സ്ഥിരീകരിക്കുകയും ചെയ്തിരുന്നു. ഇതോടെയാണ് ഗംഗ ദസ്റ ചടങ്ങ് മാത്രമാക്കാൻ അധികൃതർ നിർബന്ധിതരായത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.