Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകൊൽക്കത്തയെ...

കൊൽക്കത്തയെ പിടിച്ചുലച്ച്​ കോവിഡ്​: പരിശോധിക്കുന്ന ഓരോ രണ്ടാമത്തെ വ്യക്​തിയും പോസിറ്റീവ്

text_fields
bookmark_border
കൊൽക്കത്തയെ പിടിച്ചുലച്ച്​ കോവിഡ്​: പരിശോധിക്കുന്ന ഓരോ രണ്ടാമത്തെ വ്യക്​തിയും പോസിറ്റീവ്
cancel

കൊൽക്കത്ത: കൊൽക്കത്തയിലും പ്രാന്തപ്രദേശങ്ങളിലും പരിശോധന നടത്തുന്ന രണ്ടുപേരിൽ ഒരാൾ കോവിഡ് പോസിറ്റീവ് ആകുന്നു. അതെ സമയം സംസ്ഥാനത്തിന്‍റെ ഇതര ഭാഗങ്ങളിൽ നാല്​ പേരിൽ ഒരാളാണ്​ പോസിറ്റീവ്​ ആകുന്നത്​. മാസാദ്യം 20 ടെസ്റ്റുകളിൽ ഒരെണ്ണം മാത്രമായിരുന്നയിടത്ത്​ നിന്നാണ്​ അഞ്ച് മടങ്ങായി കുതിച്ചത്​.

ലാബോറട്ടറിലെ പോസിറ്റീവിറ്റി നിരക്ക്​ 45% മുതൽ 55% വരെയാണ്​ കൽക്കത്തയിൽ റിപ്പോർട്ട്​ ചെയ്യുന്നത്​. മറ്റ്​ പ്രദേശങ്ങളിലാണെങ്കിൽ 24% ആണ് പോസിറ്റീവിറ്റി നിരക്ക്​ രേഖപ്പെടുത്തിയിരിക്കുന്നത്​. ഇതായിരിക്കില്ല സംസ്ഥാനത്തെ യഥാർത്ഥ കണക്കെന്നും, രോഗലക്ഷണങ്ങൾ ഉണ്ടായിട്ടും പരിശോധിക്കാത്തവർ ധാരാളം ഉണ്ടാകുമെന്ന്​ ​നഗരത്തിലെ ഡോക്​ടർമാരിൽ ഒരാൾ പറയുന്നു.

ഏപ്രിൽ ഒന്നിന് സംസ്ഥാനത്ത് 25,766 സാമ്പിളുകളാണ് പരിശോധിച്ചത്​. അതിൽ 1,274 സാമ്പിളുകളായിരുന്നു പോസിറ്റീവ് ആയത്. 4.9 ശതമാനം ആയിരുന്നു പോസിറ്റീവിറ്റി നിരക്ക്​. എന്നാൽ ശനിയാഴ്ച പരിശോധിച്ച 55,060 സാമ്പിളുകളിൽ 14,281 പേരാണ്​ പോസിറ്റീവായത്​. പോസിറ്റീവിറ്റി നിരക്ക്​ 4.9 ശതമാനത്തിൽ നിന്ന്​ 25.9 ശതമാനം ആയാണ്​ ഉയർന്നത്​.

ചുരുങ്ങിയ സമയത്തിനുള്ളിൽ കൂടുതൽ ആൾക്കാരെയാണ്​ കോവിഡ്​ വൈറസ്​ ബാധിക്കുന്നത്​.മിക്ക കേസുകളിലും, മുഴുവൻ കുടുംബങ്ങളും രോഗബാധിതരാകുന്ന അവസ്ഥയാണുള്ളത്​.

Show Full Article
TAGS:covid 19 Kolkata 
News Summary - covid Every second person getting tested in Kolkata is positive
Next Story