Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightരാജ്യത്ത് രണ്ടേകാൽ...

രാജ്യത്ത് രണ്ടേകാൽ ലക്ഷം​ കോവിഡ്​ ബാധിതർ; മരണം 6,363

text_fields
bookmark_border
രാജ്യത്ത് രണ്ടേകാൽ ലക്ഷം​ കോവിഡ്​ ബാധിതർ; മരണം 6,363
cancel

ന്യൂഡൽഹി: രാജ്യത്ത്​ കോവിഡ്​ ബാധിതരുടെ എണ്ണം ര​േണ്ടകാൽ ലക്ഷം കടന്നു​. 2,26,713 പേർക്കാണ്​ ഇതുവരെ കോവിഡ്​ ബാധിച്ചത്​. 6,363 പേർ മരിക്കുകയും ചെയ്​തു. 

കഴിഞ്ഞ 24 മണിക്കൂറിനുള്ളിൽ 9,851 പേർക്കാണ്​ പുതുതായി കോവിഡ്​ സ്​ഥിരീകരിച്ചത്​. ബുധനാഴ്​ച 9000 ത്തിൽ അധികം പേർക്ക്​ രോഗം സ്​ഥിരീകരിച്ചിരുന്നു. തുടർച്ചയായ രണ്ടാം ദിവസമാണ്​ പതിനായിരത്തിനടുത്ത്​ കോവിഡ്​ കേസുകൾ പുതുതായി രാജ്യത്ത്​ റിപ്പോർട്ട്​ ചെയ്യുന്നത്​. വ്യാഴാഴ്​ച 273 മരണവും റിപ്പോർട്ട്​ ചെയ്​തു. അതേസമയം രാജ്യ​ത്തെ രോഗമുക്തി നിരക്ക്​ 48.27 ശതമാനണെന്ന്​ ആരോഗ്യ മന്ത്രാലയം അറിയിച്ചു. 

ലോകത്ത്​ കോവിഡ്​ ബാധിതരുടെ എണ്ണത്തിൽ ഏഴാം സ്​ഥാനത്താണ്​ ഇന്ത്യ. മരണനിരക്കിൽ 12ാം സ്​ഥാനത്തും. 

മഹാരാഷ്​ട്ര, ഡൽഹി, തമിഴ്​നാട്​, ഗുജറാത്ത്​ എന്നീ സംസ്​ഥാനങ്ങളിലാണ്​ കൂടുതൽ രോഗബാധിതർ. ഡൽഹിയിൽ വ്യാഴാഴ്​ച 1,359 പേർക്കാണ്​ പുതുതായി കോവിഡ്​ സ്​ഥിരീകരിച്ചത്​. ഇതോടെ സംസ്​ഥാനത്തെ രോഗബാധിതരുടെ എണ്ണം 25,000 കടന്നു. 650 പേരാണ്​ ഡൽഹിയിൽ കോവിഡ്​ ബാധിച്ച്​ മരിച്ചത്​. 

മഹാരാഷ്​ട്രയിൽ പുതുതായി 2,933 പേർക്കാണ്​ കോവിഡ്​ സ്​ഥിരീകരിച്ചത്​. ഇതോടെ സംസ്​ഥാന​ത്തെ രോഗബാധിതരുടെ എണ്ണം 77,793 ആയി. 2710 പേരാണ്​ മഹാരാഷ്​ട്രയിൽ ഇതുവരെ മരിച്ചത്​. 123 മരണം വ്യാഴാഴ്​ച മാത്രം റിപ്പോർട്ട്​ ചെയ്​തു. 

പശ്ചിമബംഗാളിൽ 283 പേർക്ക്​ കൂടി രോഗം ബാധിച്ചതോടെ രോഗബാധിതരുടെ എണ്ണം 6,876 ആയി. മരണം 368. തമിഴ്​നാട്ടിൽ 1,384 പേർക്കാണ്​ പുതുതായി രോഗം കണ്ടെത്തിയത്​. 27,256 പേർക്ക്​ ഇതുവരെ തമിഴ്​നാട്ടിൽ രോഗം സ്​ഥിരീകരിച്ചു. മരണം 220. 

 

Latest Videos

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:maharashtramalayalam newsindia newscovid 19
News Summary - Covid Cases Cross 2.25 Lakh -India news
Next Story