കോവിഡ്​ വ്യാപനം തടയാൻ എൻ 95/ കെ.എൻ 95 മാസ്​കുകൾ ഉപയോഗിക്കണമെന്ന്​ വിദഗ്​ധർ

ന്യൂഡൽഹി: കോവിഡിന്‍റെ വ്യാപനം കുറക്കാൻ എൻ 95 അല്ലെങ്കിൽ കെ.എൻ 95 മാസ്​കുകൾ ഉപയോഗിക്കണമെന്ന്​ വിദഗ്​ധർ. കോവിഡ്​ വായുവിലൂടെ പകരുമെന്ന ലാൻസെറ്റ്​ പഠനത്തിന്‍റെ പശ്​ചാത്തലത്തിലാണ്​ നിർദേശം.

വായുവിലൂടെ വൈറസ്​ പടരുന്നത്​ തടയാൻ എൻ.95, കെ.എൻ 95 മാസ്​കുകൾ ഉപയോഗിക്കുന്നത്​ മാത്രമാണ്​ പോംവഴിയെന്ന്​ ആരോഗ്യവിദഗ്​ധൻ ഡോ.ഫഹീം യൂനസ്​ പറഞ്ഞു. ഓരോ 24 മണിക്കൂറിലും മാസ്​ക്​ മാറ്റണം. ഇതിനായി കൂടുതൽ മാസ്​കുകൾ കൈയിൽ കരുതണമെന്നും അദ്ദേഹം ആവശ്യപ്പെട്ടു.

അടച്ചിട്ട മുറികളിൽ വായൂവിലൂടെ കോവിഡ്​ വൈറസ്​ പടരാൻ സാധ്യതയുണ്ടെന്നായിരുന്നു ലാൻസെറ്റ്​ പഠനം. ഇതിനുള്ള പ്രതിവിധിയായാണ്​ ഇത്തരം മാസ്​കുകൾ ധരിക്കാനുള്ള നിർദേശം പുറത്ത്​ വന്നത്​.