Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ വാക്​സിൻ:...

കോവിഡ്​ വാക്​സിൻ: ഇന്ത്യയിൽ കാത്തിരിക്കുന്നത്​ 600 കോടി ഡോളറി​െൻറ വിപണി

text_fields
bookmark_border
കോവിഡ്​ വാക്​സിൻ: ഇന്ത്യയിൽ കാത്തിരിക്കുന്നത്​ 600 കോടി ഡോളറി​െൻറ വിപണി
cancel

ന്യൂഡൽഹി: രാജ്യത്ത്​ കോവിഡ്​ കേസുകൾ അനിയന്ത്രിതമായി വർധിക്കുകയാണ്​. കോവിഡ് റിപ്പോര്‍ട്ട് ചെയ്തതിന് ശേഷമുള്ള ലോകത്തെ ഏറ്റവും ഉയര്‍ന്ന പ്രതിദിന കണക്കാണ് ഇന്ത്യയില്‍ ഇന്ന് രേഖപ്പെടുത്തിയിരിക്കുന്നത്​. കഴിഞ്ഞ 24 മണിക്കൂറിനിടെ 78,761 പേര്‍ക്ക് പുതുതായി കോവിഡ് സ്ഥിരീകരിച്ചു. നിലവിലെ അവസ്ഥ തുടരുകയാണെങ്കിൽ ഇന്ത്യയിൽ കാത്തിരിക്കുന്നത്​ 600 കോടി ഡോളറി​െൻറ വാക്​സിൻ വിപണിയാണെന്നാണ്​ റിപ്പോർട്ട്​. അന്താരാഷ്ട്ര ബ്രോക്കറേജ് സ്ഥാപനമായ സാൻഫോര്‍ഡ് സി ബേൺസ്റ്റൈനാണ്​ റിപ്പോര്‍ട്ട് പുറത്തുവിട്ടിരിക്കുന്നത്.

കോവിഡ് വാക്‌സിന്‍ യാഥാര്‍ത്ഥ്യമായാല്‍ ഇന്ത്യയില്‍ അടുത്ത മൂന്നു വര്‍ഷത്തിനുള്ളില്‍ കാത്തിരിക്കുന്നത് 600 കോടി ഡോളറി​െൻറ വിപണിയാണത്രേ. 130 കോടി ജനങ്ങളില്‍ 30 ശതമാനം പേര്‍ക്ക് മാത്രമേ സര്‍ക്കാര്‍ സൗജന്യമായി വാക്‌സിന്‍ ലഭ്യമാകുകയുള്ളൂവെന്നും വിദഗ്ധര്‍ ചൂണ്ടിക്കാട്ടുന്നു. ബാക്കി മഹാഭൂരിപക്ഷം പേരും പൊതുവിപണിയില്‍ നിന്ന് വില കൊടുത്ത് വാക്​സിൻ വാങ്ങേണ്ടിയും വരും.

എന്നാൽ, എല്ലാ ജനങ്ങള്‍ക്കും സൗജന്യമായി വാക്​സിൻ നല്‍കാന്‍ സർക്കാർ തീരുമാനിച്ചാല്‍ 600 കോടി ഡോളര്‍ അതിന്​ മാത്രമായി മാറ്റിവെക്കേണ്ടി വന്നേക്കും. ഇത് കേന്ദ്ര സര്‍ക്കാരിൻെറ നിലവിലെ ആരോഗ്യരംഗത്തെ ബജറ്റ് വിഹിതത്തിൽ 100 ശതമാനം വരെ വര്‍ധന കൊണ്ടുവരികയും ചെയ്യും. സർക്കാർ ആശുപത്രികളിൽ ഒരു ഡോസി​െൻറ വില ഏകദേശം മൂന്നു ഡോളര്‍ (221.58 ഇന്ത്യൻ രൂപ) വരുമെന്നാണ് കണക്കാക്കിയിരിക്കുന്നത്. സ്വകാര്യ ആശുപത്രികളിൽ അത്​ ആറ്​ ഡോളറെങ്കിലും വന്നേക്കും. ഒരു വ്യക്തിക്ക് രണ്ടു ഡോസ്​ വാക്​സിനാണ്​ വേണ്ടിവരിക.

കൊവി‍ഡ് രോഗകളുടെ ചികിത്സാച്ചെലവ് പൂര്‍ണമായി സര്‍ക്കാരിന് വഹിക്കാൻ കഴിയില്ലെന്നതിനാൽ സ്വകാര്യമേഖലക്കും ചികിത്സ കൈമാറാനിടയുണ്ട്​. റഷ്യയും ചൈനയും തങ്ങൾ ഫലപ്രദമായ വാക്​സിൻ കണ്ടെത്തിയതായി അവകാശപ്പെടുന്നുണ്ടെങ്കിലും ലോകരാജ്യങ്ങളിൽ പലതും അത്​ അംഗീകരിച്ചിട്ടില്ല. ഇന്ത്യയടക്കമുള്ള നിരവധി രാജ്യങ്ങൾ 2021 തുടക്കത്തിലെങ്കിലും വാക്​സിൻ വിപണയിലെത്തിക്കാനുള്ള കഠിന പരിശ്രമത്തിലാണ്​.

Show Full Article
TAGS:Covid-19 vaccine covid vaccine 
Web Title - Covid-19 vaccine market to be worth $6 billion in India
Next Story