കോവിഡ് വ്യാപന ആശങ്ക​; തമിഴ്​നാട്ടിൽ നിയന്ത്രണങ്ങൾ 31 വരെ നീട്ടി

ചെന്നൈ: കോവിഡ്​ സാഹചര്യത്തിൽ തമിഴ്​നാട്ടിലെ ലോക്​ഡൗൺ നിയന്ത്രണങ്ങൾ മാർച്ച്​ 31 വരെ നീട്ടി. ഓഫിസുകൾ, കടകൾ, വ്യവസായ -വാണിജ്യ സ്​ഥാപനങ്ങൾ തുറന്നു പ്രവർത്തിക്കും.

ലോക്​ഡൗൺ മാർഗനി​ർ​േദശ ലംഘനങ്ങൾ പാലിക്കുന്നുണ്ടോയെന്ന്​ ഉറപ്പുവരുത്താൻ അധികൃതർക്ക്​ നിർദേശം നൽകി. കണ്ടെയ്​ൻമെന്‍റ്​ സോണുകളിൽ കർശന നിയന്ത്രണം തുടരും. പൊതു സ്​ഥലങ്ങളിൽ മാസ്​ക്​ ധരിക്കുകയും സാമൂഹിക അകലം പാലിക്കുകയും ​വേണം.

കഴിഞ്ഞദിവസം അന്താരാഷ്​ട്ര യാത്ര വിമാനങ്ങൾക്കുള്ള നിയന്ത്രണം ഡി.ജി.സി.എ നീട്ടിയിരുന്നു. പ്രത്യേക സർവിസുകൾക്ക്​ മാത്രമാണ്​ അനുമതി. കാ​ർഗോ സർവിസുകളും തുടരും.

തെരഞ്ഞെടുപ്പ്​ അടുത്തിരിക്കേ കോവിഡ്​ ബാധിതരുടെ എണ്ണം ഉയരുമെന്ന വിലയിരുത്തലിലാണ്​ ആരോഗ്യവകുപ്പ്​. ഏപ്രിൽ ആറിന്​ ഒറ്റഘട്ടമായാണ്​ തമിഴ്​നാട്ടിൽ തെരഞ്ഞെടുപ്പ്​. പോളിങ്​ ഉദ്യോഗസ്​ഥരെ മുൻനിര പോരാളികളായി കണക്കാക്കി വാക്​സിനേഷൻ പൂർത്തീകരിക്കണമെന്ന്​ തെരഞ്ഞെടുപ്പ്​ കമീഷൻ നിർദേശിച്ചിരുന്നു.

24മണിക്കൂറിനിടെ 486 പേർക്കാണ്​ തമിഴ്​നാട്ടിൽ പുതുതായി രോഗം സ്​ഥിരീകരിച്ചത്​. അഞ്ചുമരണവും റിപ്പോർട്ട്​ ചെയ്​തു. സംസ്​ഥാനത്ത്​ 8.51ലക്ഷം പേർക്കാണ്​ ഇതുവരെ കോവിഡ്​ സ്​ഥിരീകരിച്ചത്​. 8.34ലക്ഷം പേർ രോഗമുക്തി നേടി. 12,000 മരണവും റിപ്പോർട്ട്​ ചെയ്​തു.