ലോക് ഡൗണിൽ കുടുങ്ങിയ ആറ് ജപ്പാൻ പൗരന്മാർ നാട്ടിലേക്ക്

വിശാഖപട്ടണം: ലോക് ഡൗണിനെ തുടർന്ന് ഇന്ത്യയിൽ കുടുങ്ങിയ ആറ് ജപ്പാൻ പൗരന്മാർ നാട്ടിലേക്ക് തിരിച്ചു. ജപ്പാൻ എയർല ൈൻസിന്‍റെ പ്രത്യേക വിമാനത്തിൽ വിശാഖപട്ടണത്ത് നിന്ന് ബംഗളൂരു വഴിയാണ് ഇവർ യാത്ര തിരിച്ചത്.

കേന്ദ്ര സർക്കാർ അനുമതി നൽകിയതിന് പിന്നാലെയാണ് ജപ്പാൻ പൗരന്മാരുടെ മടങ്ങിപ്പോക്കിന് ആവശ്യമായ നടപടികൾ അധികൃതർ സ്വീകരിച്ചത്.

വിദേശ പൗരന്മാരെ നാട്ടിലേക്ക് തിരിച്ചയക്കുന്നതിന്‍റെ ഭാഗമായാണ് സർക്കാർ നടപടിയെന്ന് വിശാഖപട്ടണം എയർപോർട്ട് ഡയറക്ടർ രാജ് കിഷോർ അറിയിച്ചു.

മാർച്ച് 24ന് രാജ്യത്ത് സമ്പൂർണ ലോക് ഡൗൺ പ്രഖ്യാപിച്ചതിന് പിന്നാലെ രാജ്യാന്തര, ആഭ്യന്തര വിമാന സർവീസുകൾക്ക് വിലക്ക് ഏർപ്പെടുത്തിയിരുന്നു.