മുംബൈയിലെ കോവിഡ് വാര്‍ഡില്‍ രോഗിക്കിടയിൽ മൃതദേഹങ്ങളും  -വിഡിയോ

മുംബൈ: ഇന്ത്യയിൽ ഏറ്റവും കൂടുതൽ കോവിഡ്​ കേസുകളും മരണങ്ങളും റിപ്പോർട്ട്​ ചെയ്​ത മഹാരാഷ്​ട്രയിലെ മുംബൈയിലുള്ള ആശുപത്രിയിലെ കോവിഡ് വാര്‍ഡില്‍ രോഗികൾ കഴിയുന്നത്​ പൊതിഞ്ഞുകെട്ടിയ മൃതദേഹങ്ങൾക്കൊപ്പം. സിയോൺ ആശുപത്രിയിൽ ചികിത്സയിൽ കഴിയുന്ന കോവിഡ്​ രോഗികളുടെ തൊട്ടടുത്ത കട്ടിലുകളിൽ മൃതദേഹങ്ങൾ പൊതിഞ്ഞുകെട്ടിവെച്ചിരിക്കുന്ന ദൃശ്യങ്ങളാണ്​ പുറത്തുവന്നിരിക്കുന്നത്​.

മഹാരാഷ്​ട്ര നിയമസഭാംഗം നിതേഷ് എന്‍ റാണെയാണ് ആശുപത്രിയില്‍ നിന്നുള്ള ഞെട്ടിക്കുന്ന  ദൃശ്യങ്ങള്‍ ട്വിറ്ററിലൂടെ പങ്കുവെച്ചത്​. കോവിഡ് ബാധിച്ച് മരിച്ച് ആറ് പേരുടെ മൃതദേഹങ്ങള്‍ വാര്‍ഡിലെ കട്ടിലുകളിൽ തന്നെ കറുത്ത നിറത്തിലുള്ള പ്ലാസ്​റ്റിക്​ ബാഗുകളിലാക്കി  കിടത്തിയിരിക്കുന്നതാണ് ദൃശ്യങ്ങളില്‍ കാണുന്നത്. ചിലത്​ തുണി, പുതപ്പ്​ എന്നിവ ഉപയോഗിച്ച്​ മറച്ചിട്ടുണ്ട്​. മൃതദേഹങ്ങൾ കിടത്തിയിട്ടുള്ള  കട്ടിലുകൾക്കടുത്തായി ചികിത്സയില്‍ കഴിയുന്ന രോഗിക​ളെയും കാണാം. 

ഒരു രോഗിക്കരികിൽ അവരുടെ ബന്ധുവായ സ്​ത്രീ നിന്ന്​ സംസാരിക്കുന്നതും സുരക്ഷാ വസ്​ത്രങ്ങളില്ലാതെ മറ്റൊരു യുവതി വാർഡിൽ പ്രവേശിക്കുന്നതും ദൃശ്യങ്ങളിലുണ്ട്​. കോവിഡ്​ വാർഡായിട്ടും യാതൊരു സുരക്ഷാ സംവിധാനങ്ങളും ഇവിടെ ഒരുക്കിയിട്ടില്ലെന്നത്​ വ്യക്തമാണ്​.

In Sion hospital..patients r sleeping next to dead bodies!!!
This is the extreme..what kind of administration is this!
Very very shameful!! @mybmc pic.twitter.com/NZmuiUMfSW

— nitesh rane (@NiteshNRane) May 6, 2020

മുംബൈയിലെ എൽ.ടി.എം.ജി സിയോൺ ആശുപത്രിയിലെ കോവിഡ്​ വാർഡിൽ നിന്നും പകർത്തിയ ദൃശ്യങ്ങളാണിതെന്ന്​ റാ​െണ അറിയിച്ചു. സാമുഹിക പ്രവർത്തകനായ ത​​െൻറ സഹപ്രവർത്തകനാണ്​ ദൃശ്യങ്ങള്‍ പകര്‍ത്തിയത്. ആശുപത്രിയില്‍ ചില കാര്യങ്ങള്‍ക്കായി എത്തിയ അദ്ദേഹമാണ് മൃതദേഹങ്ങൾക്കരികിൽ കിടക്കുന്ന രോഗികളെയാണ്​ കണ്ടതെന്നും  സംഭവം മഹാരാഷ്​ട്ര സർക്കാറി​​െൻറ ശ്രദ്ധയിൽപെടുത്തുമെന്നും എം.എല്‍.എ റാണെ പ്രതികരിച്ചു.

എന്നാല്‍ ദൃശ്യങ്ങൾ ഉൾപ്പെടെ ഗുരുതരമായ ആരോപണം ഉയര്‍ന്നിട്ടും വിഷയത്തില്‍ പ്രതികരിക്കാന്‍ എല്‍.ടി.എം.ജി സയേൺ ആശുപത്രി അധികൃതരോ ബ്രിഹൻ മുംബൈ മുനിസിപ്പല്‍ കോര്‍പ്പറേഷനോ തയാറായിട്ടില്ല. മഹാരാഷ്​ട്രയില്‍ ഇതുവരെ 16,758 കോവിഡ് കേസുകളാണ് റിപ്പോര്‍ട്ട് ചെയ്യപ്പെട്ടത്. 651 പേര്‍ മരണപ്പെടുകയും ചെയ്തു.