Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ സ്ഥിരീകരിച്ച...

കോവിഡ്​ സ്ഥിരീകരിച്ച കുടിയേറ്റ തൊഴിലാളി ആശുപത്രിയിൽ ​ആത്മഹത്യ ചെയ്​തു

text_fields
bookmark_border
കോവിഡ്​ സ്ഥിരീകരിച്ച കുടിയേറ്റ തൊഴിലാളി ആശുപത്രിയിൽ ​ആത്മഹത്യ ചെയ്​തു
cancel

മുംബൈ: മഹാരാഷ്ട്രയിൽ കോവിഡ്​ പോസിറ്റീവ്​ സ്ഥിരീകരിക്കപ്പെട്ട കുടിയേറ്റ തൊഴിലാളി ആത്മഹത്യ ചെയ്​തു. അകോള യിലെ ആശുപത്രിയിൽ ചികിത്സയിലിരുന്ന അസം സ്വദേശിയായ മുപ്പതുകാരനാണ്​ ​െഎസൊലേഷൻ വാർഡിൽ വെച്ച്​ ആത്മഹത്യ ചെയ്​ത ത്​.

ഐസൊലേഷൻ വാർഡിൽ കഴിഞ്ഞിരുന്ന ഇയാളുടെ പരിശോധനാ ഫലം വെള്ളിയാഴ്​ച രാത്രിയോടെയാണ്​ പുറത്തുവന്നത്​. . കോവിഡ്​ പോസിറ്റീവാണെന്ന അറിഞ്ഞ യുവാവ്​ ശനിയാഴ്​ച പുലർച്ചെ ആത്മഹത്യക്ക്​ ശ്രമിക്കുകയായിരുന്നു. പുലർച്ചെ അഞ്ചു മണിയോടെ യുവാവിനെ ഐസൊലേഷൻ വാർഡിലെ വാഷ്‌റൂമിനുള്ളിൽ േബ്ലഡ്​ ഉപയോഗിച്ച്​ കഴുത്ത്​ മുറിച്ച നിലയിൽ കണ്ടെത്തുകയായിരുന്നു. ഉടൻ ശസ്​ത്രക്രിയക്ക്​ വിധേയമാക്കിയെങ്കിലും മരിച്ചു. ആശുപത്രിയിൽ വെച്ച്​ രോഗി ആത്മഹത്യ ചെയ്​തതിൽ പൊലീസ് സ്വമേധയാ കേസെടുത്തു.

അസമിലെ നാഗാവ്​ ജില്ലയിൽ നിന്നുള്ള കുടിയേറ്റ തൊഴിലാളിയായ യുവാവിനെ ഏപ്രിൽ ഏഴിനാണ്​ അകോളയിലെ ​സർക്കാർ മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചത്​. വെള്ളിയാഴ്​ച പുറത്തുവന്ന പരിശോധനാഫലത്തിൽ ഇയാളുൾപ്പെടെ ആശുപത്രിയിലുള്ള മൂന്നുപേർക്ക്​ കോവിഡ്​ സ്ഥിരീകരിച്ചിരുന്നു. അകോള ജില്ലയിൽ ഇതുവരെ 13 പേർക്കാണ്​ കോവിഡ്​ സ്ഥിരീകരിച്ചിട്ടുള്ളത്​.

ശനിയാഴ്ചയോടെ ഇന്ത്യയിൽ കോവിഡ് കേസുകളുടെ എണ്ണം 7,447 ആയി ഉയർന്നിട്ടുണ്ട്​. ഇതിൽ 1,666 എണ്ണം മഹാരാഷ്ട്രയിലാണ് റിപ്പോർട്ട്​ ചെയ്​തിട്ടുള്ളത്​.

Show Full Article
TAGS:COVID-19 assam Akola suicide india news 
News Summary - COVID-19 patient from Assam allegedly commits suicide - India news
Next Story