മഹാരാഷ്​​ട്രയിൽ ലോക്​ഡൗൺ മെയ്​ 31 വരെ നീട്ടി

മുംബൈ: മഹാരാഷ്​ട്രയിൽ ലോക്​ഡൗൺ മെയ്​ 31 വരെ നീട്ടി. കോവിഡ്​ രോഗികളുടെ എണ്ണം ക്രമാധീതമായി വർധിക്കുന്ന സാഹചര്യത്തിലാണ്​ ലോക്​ഡൗൺ നീട്ടാൻ മഹാരാഷ്​ട്ര സർക്കാർ തീരുമാനിച്ചത്​. ലോക്​ഡൗൺ ഇളവുകളെ കുറിച്ച്​ ഉടൻ ജനങ്ങ​െള അറിയിക്കുമെന്ന്​ ചീഫ്​ സെക്രട്ടറി അജോയ്​ മേത്ത പറഞ്ഞു. 

ഏപ്രിൽ 20 മുതൽ സംസ്​ഥാനത്തെ ഗ്രീൻ, ഓറഞ്ച്​ സോണുകളിൽ ബിസിനസ്​ സ്​ഥാപനങ്ങൾക്ക്​ പ്രവർത്തന അനുമതി നൽകിയിരുന്നു. ഇന്ത്യയിലെ ആകെ കോവിഡ്​ ബാധിതരിൽ മൂന്നിലൊന്നും മഹാരാഷ്​ട്രയിലാണ്​. ശനിയാഴ്​ചയോടെ രോഗബാധിതരുടെ എണ്ണം 30,000 കടന്നു. ശനിയാഴ്​ച മാത്രം റിപ്പോർട്ട്​ ചെയ്​തത്​ 1606 പുതിയ കേസുകളാണ്​. 

മുംബൈ നഗരത്തിലാണ്​ കോവിഡ്​ ഏറ്റവും നാശംവിതച്ചത്​. മുംബൈക്ക്​ പ്രത്യേക സാമ്പത്തിക പാക്കേജ്​ വേണമെന്ന്​ ഉദ്ധവ്​ സർക്കാർ കേ​​ന്ദ്രത്തോട്​ ആവശ്യപ്പെട്ടിരുന്നു. മെയ്​ അവസാനത്തോടെ സംസ്​ഥാനത്തെ രോഗബാധിതരുടെ എണ്ണം അരലക്ഷം കവിയുമെന്നാണ്​ കരുതുന്നത്​. 

രാജ്യത്ത് മൂന്നാംഘട്ട ലോക്​ഡൗൺ ഇന്ന്​ അവസാനിക്കുകയാണ്​. നാലാംഘട്ട ലോക്​ഡൗണി​​െൻറ മാർഗനിർദേശങ്ങൾ കേന്ദ്ര സർക്കാർ ഉടൻ അറിയിക്കും.