കോവിഡി​െൻറ ഇന്ത്യൻ വകഭേദത്തെ വാക്​സിൻ പ്രതിരോധിക്കുമെന്ന്​ പഠനം

ന്യൂഡൽഹി: കോവിഡി​െൻറ ഇന്ത്യൻ വകഭേദത്തെ വാക്​സിൻ പ്രതിരോധിക്കുമെന്ന്​ പഠനം. വാക്​സിൻ മൂലമുണ്ടാകുന്ന ആൻറിബോഡികളെ ഇന്ത്യൻ വകഭേദം മറികടക്കാൻ സാധ്യതയുണ്ട്​. എങ്കിലും രോഗിയിൽ ലക്ഷണങ്ങൾ തീവ്രമാകാതെ നോക്കാൻ വാക്​സിന്​ സാധിക്കുമെന്നാണ്​ പുതിയ പഠനത്തിൽ നിന്നും വ്യക്​തമാകുന്നത്​.

കേംബ്രിഡ്​ജ്​ യൂനിവേഴ്​സിറ്റിയും ഇന്ത്യയിലെ ശാസ്​ത്രജ്ഞരും ചേർന്നാണ്​ ഇതുസംബന്ധിച്ച പഠനം നടത്തിയത്​​. നേരത്തെ കോവാക്​സിൻ ഇന്ത്യൻ വകഭേദത്തെ പ്രതിരോധിക്കുമെന്ന്​ യു.എസ്​ ആരോഗ്യവിദഗ്​ധൻ ഡോ.അന്തോണി ഫൗസിയും പറഞ്ഞിരുന്നു.

കോവിഡി​െൻറ ഇന്ത്യൻ വകഭേദം 44 രാജ്യങ്ങളിൽ കണ്ടെത്തിയിട്ടുണ്ടെന്ന്​ ലോകാരോഗ്യ സംഘടന പറഞ്ഞിരുന്നു. അതിവേഗത്തിൽ പടരുന്ന കോവിഡി​െൻറ ഇന്ത്യൻ വകഭേദം ലോകരാജ്യങ്ങൾക്ക്​ കനത്ത വെല്ലുവിളി ഉയർത്തുമെന്നും സംഘടന അഭിപ്രായപ്പെട്ടിരുന്നു.