കോവിഡിലെ പാളിച്ചകളെ പറ്റി മിണ്ടരുത്​; കേന്ദ്രത്തിന്​ വേണ്ടി ട്വിറ്റർ, ഫേസ്ബുക്ക്, ഇൻസ്റ്റാഗ്രാം എന്നിവ നീക്കിയത്​ 100 ലേറെ പോസ്​റ്റുകൾ

ന്യൂഡൽഹി: കോവിഡിനെതിരെ പോരാടുന്നതിന്​ പകരം മോദി സർക്കാർ സോഷ്യൽമീഡിയിലെ വിമർശനങ്ങളെ പ്രതിരോധിക്കാനാണ്​ ശ്രമിക്കുന്നതെന്ന വിമർശനം ശക്​തമാകുന്നു.

ഒാക്​സിജനും മരുന്നുകളും ലഭിക്കാത്തതിനെ തുടർന്ന്​ മനുഷ്യർ മരിച്ച്​ വീഴു​േമ്പാഴും രാജ്യം ഏറ്റവും വലിയ പ്രതിസന്ധി അഭിമുഖീകരിക്കു​േമ്പാഴുാ സോഷ്യൽ മീഡിയ പോസ്​റ്റുകൾ കണ്ടുകെട്ടാനാണ്​​ സർക്കാർ സംവിധാനങ്ങൾ ഈ ദുരിത കാലത്തും പ്രവർത്തിക്കുന്നതെന്നാണ്​ സാമൂഹ്യപ്രവർത്തകരും മാധ്യമങ്ങളും വിമർശിക്കുന്നത്​.

ഏപ്രിൽ 23 ന് കേന്ദ്ര സർക്കാർ നൽകിയ നിർദേശപ്രകാരം രാഷ്ട്രീയക്കാർ ചലച്ചിത്ര പ്രവർത്തകർ, സാമൂഹികപ്രവർത്തകൾ എന്നിവരുടെ 50 ട്വീറ്റുകളാണ്​ ട്വിറ്റർ നീക്കിയത്​.

ഈ ആഴ്​ച ആദ്യം #ResignModi എന്ന ഹാഷ്‌ടാഗ് കാമ്പയിനെ മണിക്കൂറുകളോം ഫേസ്​ബുക്ക്​ തടഞ്ഞുവെച്ചിരുന്നു. വിമർശനമുയർന്നതിനെ തുടർന്ന്​ പിൻവലിക്കുകയായിരുന്നു. തെറ്റ്​ പറ്റിയതാണ്​ എന്ന്​ മത്രമായിരുന്നു ഫേസ്​ബുക്കി​െൻറ വിശദീകരണം. എന്നാൽ അൽഗോരിതത്തിലുണ്ടായ പിഴവാണോ, അതോ ഭരണകൂട നിർദേശ പ്രകാരാം ഫേസ്​ബുക്ക്​ മരവിപ്പിച്ചതാണോ എന്ന നെറ്റിസൺസി​െൻറ ചോദ്യത്തോട്​ ഫേസ്ബുക്കി​െൻറ പോളിസി കമ്മ്യൂണിക്കേഷൻ ഡയറക്​ടർ ആൻഡി സ്റ്റോൺ ഇനിയും മറുപടി ​​​പ്രതികരിച്ചിട്ടില്ല.

എന്നാൽ ഫേസ്​ബുക്കിന്​ ചില സന്ദർഭങ്ങളിൽ മാത്രം ഉണ്ടാകുന്ന​ 'തെറ്റ്​' ശരിക്കും വിചിത്രമാണെന്നാണ് ബസ്​ഫീഡിലെ മാധ്യമ പ്രവർത്തകൻ റയാൻ മാക് പരിഹസിച്ചത്​​.

ഫേസ്​ബുക്കി​െൻറ വിശദീകര​ണങ്ങളെ ആരും മാനിക്കുന്നില്ലെന്നും മോദി സർക്കാറിന്​ വേണ്ടി പലപ്പോഴും സോഷ്യൽ മീഡിയ പോസ്​റ്റുകളെ ഫേസ്ബുക്ക്​​ മരവിപ്പച്ച ചരിത്രവും നെറ്റിസൺസ്​ ഓർമിപ്പിക്കുന്നു. കർഷക പ്രക്ഷോഭം, പൗര ഭേദഗതി നിയമം, കശ്മീരിലെ ആർട്ടിക്കിൾ 370 നെതിരെയുള്ള പ്രത​ിഷേധം തുടങ്ങിയ കാലയളവിലെല്ലാം ഫേസ്​ബുക്കി​െൻറ നടപടികൾ എന്തായിരുന്നുവെന്ന്​ ഓർമിപ്പിച്ചാണ്​ നെറ്റിസൻസ്​ വിമർശിക്കുന്നത്​.

കോവിഡ്​ വ്യാപകമായതിന്​ പിന്നാ​ലെ ഫീഡുകളിൽ നിറഞ്ഞ വ്യാജ വാർത്തകളാണ്​ നീക്കിയതെന്നാണ്​ ട്വിറ്ററും കേന്ദ്രവും അവകാശപ്പെടുന്നത്​. എന്നാൽ അടിച്ചമർത്താനും ഭയപ്പെടുത്താനുമുള്ള നടപടികളാണിതെന്നാണ്​ നെറ്റിസൺസ്​ വിലയിരുത്തുന്നത്​. അതിന്​ ട്വിറ്റർ ഭരണകൂടത്തിനൊപ്പം നിന്നുവെന്നും അവർ വിമർശിക്കുന്നു.