കോവിഡ്​-19: ചെന്നൈയിൽ മരണം 2,000 കവിഞ്ഞു

ചെന്നൈ: നഗരത്തിൽ​ കോവിഡ്​-19 ബാധിച്ച്​ മരിച്ചവരുടെ എണ്ണം 2011 ആയി ഉയർന്നു. 24 മണിക്കൂറിനിടെ ചെന്നൈയിൽ മാത്രം 1,155 പേർക്ക്​ രോഗം ബാധിച്ചു. രോഗബാധിതരുടെ മൊത്തം എണ്ണം 94,695 ആണ്​. 

അതേസമയം തമിഴ്​നാട്ടിൽ​ 24 മണിക്കൂറിനിടെ 64,129 സാമ്പിളുകൾ പരിശോധിച്ചതിൽ 6,986 പേർക്ക്​ പുതുതായി രോഗബാധ കണ്ടെത്തി. ഇതിൽ കേരളത്തിൽ നിന്നെത്തിയ ഒമ്പത്​ പേരും ഉൾപ്പെടും. സംസ്​ഥാനത്തെ മൊത്തം രോഗബാധിതരുടെ എണ്ണം 2,13,723. ഇതേവരെ 23,51,463 സാമ്പിളുകൾ പരിശോധിച്ചു.  

ചികിത്സയിൽ കഴിഞ്ഞിരുന്ന 85 പേർ കൂടി മരിച്ചു. മൊത്തം മരണം 3,494 ആയി ഉയർന്നു. ഞായറാഴ്​ച  സംസ്​ഥാനത്തെ വിവിധ ആശുപത്രികളിൽനിന്ന്​ 5,471 പേർ രോഗമുക്തി നേടി. രോഗം ഭേദമായവരുടെ എണ്ണം 1,56,526 ആണ്​. 53,703 പേരാണ്​ നിലവിൽ ചികിത്സയിൽ കഴിയുന്നത്​.