24 മണിക്കൂറിനുള്ളിൽ 1993 രോഗികൾ; ഇന്ത്യയിൽ കോവിഡ്​ ബാധിതരുടെ എണ്ണം  35000 കടന്നു

ന്യൂഡല്‍ഹി: ഇന്ത്യയില്‍ കോവിഡ്​ വൈറസ്​ ബാധ സ്ഥിരീകരിച്ചവരുടെ എണ്ണം 35,000 കടന്നു. 24 മണിക്കൂറിനുള്ളില്‍ 1993 കേസുകളാണ് രാജ്യത്ത് റിപ്പോര്‍ട്ട് ചെയ്തത്. ഇതോടെ രാജ്യത്ത്​ സ്ഥിരീകരിക്കപ്പെട്ട​ ചെയ്​ത കോവിഡ്​ കേസുകളുടെ എണ്ണം 35,043 ആയതായി ആരോഗ്യ കുടുംബ ക്ഷേമ മന്ത്രാലയം അറിയിച്ചു. 

രാജ്യത്ത് കഴിഞ്ഞ 24 മണിക്കൂറിനുള്ളില്‍ 73 മരണങ്ങൾ റിപ്പോര്‍ട്ട് ചെയ്തു. ഇതോടെ ഇന്ത്യയില്‍ കോവിഡ് ബാധിച്ച് മരിച്ചവരുടെ എണ്ണം 1147 ആയി. നിലവിൽ 25,007 പേർ ചികിത്സയിലുണ്ട്​. . 8888 പേര്‍ രോഗമുക്തി നേടി. രാജ്യത്ത്​ രോഗമുക്തി നിരക്ക്​​ 25.36 ശതമാനമായി ഉയർന്നതായി ആരോഗ്യ കുടുംബക്ഷേമ മന്ത്രാലയം കഴിഞ്ഞ ദിവസം അറിയിച്ചിരുന്നു. കോവിഡ്​ ബാധിതരുടെ എണ്ണം ഇരട്ടിക്കുന്നതി​​െൻറ  നിരക്കും കുറഞ്ഞിരുന്നു.  

ഏറ്റവും കൂടുതല്‍  കോവിഡ്​ കേസുകളും മരണങ്ങളും റിപ്പോർട്ട്​ ചെയ്​ത മഹാരാഷ്​ട്രയിൽ വൈറസ്​ ബാധിതരുടെ എണ്ണം 10,498 ആയി. സംസ്ഥാനത്ത്​ 459 പേർ മരിച്ചു. 1773 പേർക്ക്​ രോഗം ഭേദമായി. മുംബൈ നഗരത്തില്‍ മാത്രം ഇതുവരെ 7,000 ല്‍ അധികം കേസുകള്‍ റിപ്പോര്‍ട്ട് ചെയ്തു.  

ഗുജറാത്തില്‍ 4395 പേര്‍ക്ക് രോഗം സ്ഥരീകരിച്ചു. 214 പേര്‍ മരിക്കുകയും 613 പേർ രോഗമുക്തി നേടുകയും ചെയ്​തു. മധ്യപ്രദേശിൽ 2660 പേർക്ക്​ കോവിഡ്​ ബാധിക്കുകയും 137 പേർ മരിക്കുകയും ചെയ്​തു.  ഡല്‍ഹിയിൽ 2315 പേർക്ക്​ രോഗബാധ സ്ഥിരീകരിക്കുകയും 59 പേർക്ക്​ ജീവൻ നഷ്​ടമാവുകയും ചെയ്​തു.  രാജസ്ഥാനിൽ 2584 വൈറസ്​ ബാധിതരു​ം 58 മരണവുമാണ്​ റിപ്പോർട്ട്​ ചെയ്​ത്​.