ബിഹാറിലെ സർക്കാർ ജീവനക്കാരോട്​ ഒന്നിടവിട്ട്​ ജോലിക്കെത്തിയാൽ മതിയെന്ന്​ നിർദേശം

പാറ്റ്​ന: കോവിഡ്​ 19 പടരുന്ന സാഹചര്യത്തിൽ ബിഹാറിലെ സർക്കാർ ജീവനക്കാരോട്​ ഒന്നിടവിട്ട ദിവസങ്ങളിൽ ജോലി​ക്കെത്തിയാൽ മതിയെന്ന്​ നിർദേശം. ആളുകൾ ഒരുമിച്ച്​ കൂടുന്നത്​​ ഒഴിവാക്കാൻ ക്ലാസ്​ സി, ഡി ജീവനക്കാർക്കാണ്​ പൊതുഭരണ നിർവഹണ വകുപ്പ്​ നിർദേശം നൽകിയത്​.

അതേസമയം, ആരോഗ്യ വകുപ്പിലെ ജീവനക്കാർക്ക്​ നിർദേശം ബാധകമല്ല. രാജ്യത്തെ കൊറോണ ​ൈവറസ്​ ബാധിതരുടെ എണ്ണം 107 ആയി ഉയർന്നിരുന്നു. രണ്ടു മരണവും സ്​ഥിരീകരിച്ചു. കൊറോണ വൈറസിനെ ലോകാരോഗ്യ സംഘടന മഹാമഹാരിയായി പ്രഖ്യാപിക്കുകയും ചെയ്​തു. ഈ സാഹചര്യത്തിൽ പ്രതിരോധ നടപടികൾ ശക്തമാക്കിയിട്ടുണ്ട്​.