Begin typing your search above and press return to search.
exit_to_app
exit_to_app
covaxin
cancel
Homechevron_rightNewschevron_rightIndiachevron_rightഇന്ത്യൻ, യു.കെ...

ഇന്ത്യൻ, യു.കെ വകഭേദങ്ങളെ കോവാക്​സിൻ പ്രതിരോധിക്കുമെന്ന്​ പഠനം

text_fields
bookmark_border

ന്യൂഡൽഹി: ഇന്ത്യയിൽ കണ്ടെത്തിയ കൊറോണ വൈറസ് ബി.1.167നും യു.കെ വകഭേദമായ ബി.1.1.7നും എതിരെ കോവാക്സിൻ ഫലപ്രദമാണെന്ന് ഭാരത് ബയോടെക് അറിയിച്ചു. നാഷനൽ ഇൻസ്റ്റിറ്റ്യൂട്ട് ഓഫ് വൈറോളജിയും ഇന്ത്യൻ കൗൺസിൽ ഓഫ് മെഡിക്കൽ റിസർച്ചും നടത്തിയ പഠനത്തിലാണ്​ ഇക്കാര്യം വ്യക്​തമായത്​​. ഗവേഷണ പ്രകാരം കോവാക്സിൻ എല്ലാ പ്രധാന വകഭേദങ്ങൾക്കും എതിരായി പ്രവർത്തിക്കുന്നുണ്ടെന്നും ആൻറിബോഡികൾ സൃഷ്​ടിച്ചുവെന്നും​ പഠനത്തിൽനിന്ന്​ മനസ്സിലായതായി ഭാരത് ബയോടെക് പറഞ്ഞു.

പുതിയ വകഭേദങ്ങൾക്കെതിരായ പ്രതിരോധം കോവാക്​സിനെ അന്താരാഷ്​ട്ര തലത്തിൽ അംഗീകരിക്കാൻ ഉപകരിക്കുമെന്ന്​ ഭാരത് ബയോടെക്കി​െൻറ സഹസ്ഥാപകയും ജോയിൻറ്​ മാനേജിംഗ് ഡയറക്ടറുമായ സുചിത്ര എല്ല ട്വീറ്റ് ചെയ്തു.

ജനുവരിയിൽ ഓക്സ്ഫോർഡ് യൂനിവേഴ്സിറ്റിയുടെ കോവിഷീൽഡിന്​ അനുമതി നൽകിയതിന്​ പിന്നാലെയാണ്​​ കോവാക്​സിനും അടിയന്തര അംഗീകാരം ലഭിച്ചത്​. മൂന്നാംഘട്ട പരീക്ഷണം ബാക്കിനിൽക്കെയായിരുന്നു​ അനുമതി.

ഇടക്കാല ഫലങ്ങളും ക്ലിനിക്കല്‍ പഠനങ്ങളും അനുസരിച്ച് കോവാക്‌സിന്‍ 78 ശതമാനം ഫലപ്രാപ്തി കൈവരിക്കുന്നതായി കണ്ടെത്തിയിരുന്നു. കൂടാതെ 100 ശതമാനം വരെ രോഗ തീവ്രതയും മരണനിരക്കും കുറക്കുമെന്നും ക്ലിനിക്കല്‍ തെളിവുകൾ സൂചിപ്പിക്കുന്നു.

Show Full Article
TAGS:covaxin bharat biotech 
News Summary - covaxin will defend the UK variant found in India - Bharat Biotech
Next Story