വ്യാജ ഡിഗ്രി വിവാദം: സ്​മൃതി ഇറാനിക്ക്​ സമൻസ്​ അയക്കാൻ കോടതി വിസമ്മതിച്ചു

ന്യൂഡൽഹി: വ്യാജ ഡിഗ്രി വിവാദത്തിൽ മുൻ കേന്ദ്രമന്ത്രി സ്​മൃതി ഇറാനിക്കെതിരെ സമൻസ്​ അയക്കാൻ കോടതി വിസമ്മതിച്ചു. ഡൽഹി പട്യാല ഹ​ൗസ്​ കോടതിയാണ്​​ ഇത്​ സംബന്ധിച്ച ഹരജി തള്ളിയത്​.

2004ലെ ലോക്​സഭ തെരഞ്ഞെടുപ്പിൽ മത്സരിക്കുന്നതിന്​ സമൃതി ഇറാനി നൽകിയ വിദ്യാഭ്യാസ യോഗ്യതയിലെ ഡിഗ്രി ബിരുദ സർട്ടിഫിക്കറ്റ്​ വ്യാജമായിരുന്നെന്നായിരുന്നു കേസ്​. 

1966ൽ ഡൽഹി യൂനിവേഴ്​സിറ്റിയിൽ നിന്നും ബി​.എ പൂർത്തിയാക്കിയെന്നായിരുന്നു തെരഞ്ഞെടുപ്പ്​ കമീഷന്​ മുമ്പാകെ സ്​മൃതി നൽകിയ സത്യവാങ്​മൂലം. എന്നാൽ മുൻ മന്ത്രിയുടെ ഡിഗ്രി സർട്ടിഫിക്കറ്റ്​ തങ്ങൾക്ക്​ ഇതുവരെ കണ്ടെത്താനായി​ട്ടില്ലെന്നാണ്​​ ഡൽഹി യൂനിവേഴ്​സിറ്റി അറിയിച്ചത്​.

വെവ്വേറെ തെരഞ്ഞെടുപ്പുകളിൽ സ്​മൃതി നൽകിയ വിദ്യാഭ്യാസ യോഗ്യതകളിൽ വൈരുധ്യമുള്ളതായി വാദിച്ച്​​ കഴിഞ്ഞ ജൂണിൽ ഫ്രീലാൻസ്​ എഴുത്തുകാരിയാണ്​ സ്​മൃതിക്കെതി​രെ കോടതിയെ സമീപിച്ചത്​.