Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightടൂൾകിറ്റ്​ കേസിൽ...

ടൂൾകിറ്റ്​ കേസിൽ ആക്​ടിവിസ്റ്റ്​ ദിശ രവിക്ക്​ ജാമ്യം

text_fields
bookmark_border
ടൂൾകിറ്റ്​ കേസിൽ ആക്​ടിവിസ്റ്റ്​ ദിശ രവിക്ക്​ ജാമ്യം
cancel

ന്യൂഡൽഹി: ലക്ഷം രൂപയും തത്തുല്യമായ രണ്ട് ആൾജാമ്യത്തിലുമാണ്​ പട്യാല കോടതി ദിശ രവിക്ക്​ ജാമ്യം അനുവദിച്ചത്​​. മുൻകൂർ അനുമതിയില്ലാത്ത രാജ്യത്തിന് പുറത്തുപോകരുത്, അന്വേഷണവുമായി സഹകരിക്കണം തുടങ്ങിയവയും ജാമ്യവ്യവസ്​ഥകളിലുണ്ട്​. ദിശ​​ക്ക്​ ജാമ്യം ലഭിച്ചാൽ തെളിവു നശിപ്പിക്കുമെന്ന് പൊലീസ് വാദിച്ചെങ്കിലും കോടതി പരിഗണിച്ചില്ല.

കേസിലെ കുറ്റാരോപിതരായ അഭിഭാഷക നികിത ജേക്കബിനെയും ആക്ടിവിസ്​റ്റ്​ ശാന്തനു മുലുക്കിനെയും ഒപ്പമിരുത്തി ചോദ്യം ചെയ്യാനായി ദിശയെ കസ്​റ്റഡിയിൽ വേണമെന്ന് ആവശ്യപ്പെട്ട് പൊലീസ് നേരത്തേ നൽകിയ മറ്റൊരു ഹരജിയും ചൊവ്വാഴ്​ച കോടതി തീർപ്പാക്കി. ശാന്തനു മുലുക്ക് നൽകിയ മുൻകൂർ ജാമ്യ ഹരജി പട്യാല കോടതി ബുധനാഴ്​ച പരിഗണിക്കും.

ഡൽഹിയിൽ തുടരുന്ന കർഷക സമരവുമായി ബന്ധപ്പെട്ട്​ ടൂൾകിറ്റ്​ ഉണ്ടാക്കുകയും അത്​ ട്വിറ്ററിലുടെ പങ്കു വഹിക്കുകയും ചെയ്​തതിന്​ ഫെബ്രുവരി 13ന് ബംഗളൂരുവിൽ നിന്നാണ് ദിശയെ ഡൽഹി പൊലീസ് സൈബർ സെൽ അറസ്​റ്റു ചെയ്തത്. ഖലിസ്താൻ അനുകൂല പോയറ്റിക്​ ജസ്​റ്റിസ്​ ഫൗണ്ടേഷനുമായി ദിശ സഹകരിച്ചുവെന്നും പൊലീസ്​ ആരോപിച്ചിരുന്നു.

കർഷക സമരത്തി​െൻറ മറവിൽ രാജ്യത്തി​െൻറ പ്രതിച്ഛായ തകർക്കാനും അശാന്തിയുണ്ടാക്കാനുമുള്ള ആഗോള ഗൂഢാലോചനയിൽ പങ്കാളിയാണ് ദിശയെന്നാണ് ഡൽഹി പൊലീസ്​ കോടതിയിൽ ആരോപിച്ചത്​. ദിശയുടെ അറസ്​റ്റ്​ രാജ്യവ്യാപക പ്രതിഷേധത്തിന്​ ഇടയാക്കിയിരുന്നു.

Show Full Article
TAGS:disha ravi toolkit case 
News Summary - Court grants Disha Ravi bail in 'toolkit' case, lawyer says can't afford bond of Rs 1 lakh
Next Story