കള്ളപ്പണം: വിഘടനവാദി നേതാ​ക്കൾക്കെതിരെ കുറ്റം ചുമത്തി

ന്യൂഡല്‍ഹി: എന്‍ഫോഴ്‌സ്‌മ​െൻറ്​ ഡയറക്ടറേറ്റി​​െൻറ പിടിയിലായ കശ്മീരിലെ വിഘടനവാദി നേതാവ് ഷബീര്‍ ഷാ, ഹവാല പണമിടപാടുകാരൻ മുഹമ്മദ്​ അസ്​ലം വാനി എന്നിവർക്കെതിരെ ഡൽഹി കോടതി കള്ളപ്പണം വെളുപ്പിക്കൽ നിരോധന നിയമപ്രകാരം കുറ്റങ്ങൾ ചുമത്തി. അഡീഷനൽ സെഷൻസ്​ ജഡ്​ജി​ സിദ്ധാർഥ്​ ശർമയാണ്​ ഇരുവരെയും കുറ്റക്കാരെന്ന്​ കണ്ടെത്തിയത്​. ഭീകരപ്രവർത്തനത്തിന്​ സാമ്പത്തികസഹായം നൽകുന്നുവെന്ന്​ ആരോപിച്ച്​ 2005ലാണ്​ ഇരുവർക്കുമെതിരെ എന്‍ഫോഴ്‌സ്‌മ​െൻറ്​ ഡയറക്ടറേറ്റ്​ കേസെടുത്തത്​.

പാക്​ സ്വദേശിയായ ഹാഫിസ്​ സഇൗദുമായി ബന്ധമുണ്ടെന്ന്​ ചൂണ്ടിക്കാണിച്ച്​ കഴിഞ്ഞ സെപ്​റ്റംബർ 23ന്​ ഷാക്കെതിരെ കോടതിയിൽ അന്വേഷണ ഏജൻസി കുറ്റപത്രം സമർപ്പിച്ചിരുന്നു.