വിശ്വഭാരതി സർവലാശാല കാമ്പസിൽ നവദമ്പതികളെ മരിച്ച നിലയിൽ കണ്ടെത്തി

കൊൽകത്ത: ബംഗാളിലെ വിശ്വഭാരതി സർവലാശാല കാമ്പസിൽ നവദമ്പതികളെ മരിച്ച നിലയിൽ കണ്ടെത്തി. 18 വയസ്സുകാരനായ സോംനാഥ് മഹതോ 19കാരി അബന്തിക എന്നിവരാണു മരിച്ചത്. അടുത്തിടെ വിവാഹിതരായ ഇരുവരും ബോൽപൂരിലെ ശ്രീനന്ദ സ്കൂളിലെ വിദ്യാർഥികളാണ്.

വെള്ളിയാഴ്ച അര്‍ധരാത്രിയാണ് ഇവരുടെ മൃതദേഹങ്ങൾ കണ്ടെത്തിയത്. സര്‍വകലാശാലയിലെ ചൈനീസ് ഭാഷ, സംസ്കാരം എന്നിവയുടെ പഠനവിഭാഗമായ ചീന ഭവനക്ക് സമീപമായിരുന്നു മൃതദേഹങ്ങളെന്നും പൊലീസ് അറിയിച്ചു. അർധരാത്രി ദമ്പതികൾ എങ്ങനെയാണു കാമ്പസിനകത്തു പ്രവേശിച്ചതെന്ന കാര്യവും അന്വേഷിച്ചുവരികയാണ്.

പ്രാഥമിക പരിശോധനയിൽ ആത്മഹത്യയാണെന്നാണ് നിഗമനം. പൊലീസ് അന്വേഷണം തുടങ്ങി.