വിവാഹ ചടങ്ങിനിടെ ആകാശത്തേക്ക്​ വെടിയുതിർത്ത്​ വധൂവരൻമാർ; അന്വേഷണം -വിഡിയോ

ന്യൂഡൽഹി: ഉത്തർപ്രദേശ്​ ഗസിയാബാദിൽ വിവാഹ ചടങ്ങിനിടെ ആകാ​ശത്തേക്ക്​ വെടിയുതിർത്ത്​ വധൂവരൻമാർ. വിഡിയോ വൈറലായതോടെ സംഭവത്തിൽ അന്വേഷണം പ്രഖ്യാപിച്ചു.

വിവാഹ വസ്​ത്രത്തിൽ നിൽക്കുന്ന വരനെയും വധുവിനെയും വിഡിയോയിൽ കാണാം. വരൻ തോക്ക്​ ഉയർത്തി ആകാശത്തേക്ക്​ രണ്ടു തവണ വെടിയുതിർത്തു. പലപ്പോഴും ആളപായങ്ങളും പൊലീസ്​ നടപടികളും ഉണ്ടായിട്ടുണ്ടെങ്കിലും ആഘോഷങ്ങളിൽ​ വെടിയുതിർക്കുന്നത്​ ഉത്തരേന്ത്യയുടെ ചില ഭാഗങ്ങളിൽ സർവസാധാരണമാണെന്ന്​ പൊലീസ്​ പറയുന്നു.

ആഗസ്റ്റിൽ ജന്മദിനാഘോഷത്തിന്‍റെ ഭാഗമായി വെടിയുതിർത്തതിന്​ രണ്ടുപേരെ പൊലീസ്​ അറസ്റ്റ്​ ചെയ്​തിരുന്നു. ആഘോഷത്തിന്‍റെ വിഡി​േയാ വൻതോതിൽ സമൂഹമാധ്യമങ്ങളിൽ ഷെയർ ചെയ്​തതോടെയായിരുന്നു അറസ്റ്റ്​. ജൂ​ൈലയിൽ ഗാസിയാബാദിൽ ബാച്ചിലേർസ്​ പാർട്ടി ആഘോഷത്തിനിടെ വെടിയുതിർത്തതിനെ തുടർന്ന്​ 26കാരൻ മരിച്ചിരുന്നു.