ഇന്ത്യയിൽ കോവിഡ്​ ഭേദമാവുന്നവരുടെ നിരക്ക്​ 50 ശതമാനത്തിന്​ മുകളിൽ

ന്യൂഡൽഹി: ഇന്ത്യയിൽ കോവിഡ്​ ബാധിച്ചവരുടെ എണ്ണം 3.2 ലക്ഷത്തിലേക്ക്​ എത്തിയതിന്​ പിന്നാലെ രോഗം ഭേദമാവുന്നവരുടെ എണ്ണവും ഉയരുന്നു. രാജ്യത്ത്​ ഇതുവരെ 1,62,378 പേർക്ക്​ കോവിഡ്​ ഭേദമായി. 50.59 ശതമാനമാണ്​ രാജ്യത്ത്​ കോവിഡ്​​ ഭേദമാവുന്നവരുടെ നിരക്ക്​. 

1,49,348 പേരാണ്​ ഇന്ത്യയിൽ കോവിഡ്​ ബാധിച്ച് നിലവിൽ​ ചികിൽസയിലുള്ളത്​. കഴിഞ്ഞ 24 മണിക്കൂറിനിടെ 11,929 പേർക്കാണ്​ രോഗം സ്ഥിരീകരിച്ചത്​​. ആകെ മരണം 9,195 ആയും ഉയർന്നു. മഹാരാഷ്​ട്രയിലാണ്​ കോവിഡ്​ ബാധ ഏറ്റവും കൂടുതലുള്ളത്​.

ഐ.സി.എം.ആറിൻെറ കണക്കുകളനുസരിച്ച്​ 56.5 ലക്ഷം സാമ്പിളുകൾ ഇതുവരെ പരിശോധിച്ചു. 1.51 ലക്ഷം സാമ്പിളുകളാണ്​ 24 മണിക്കൂറിനുള്ളിൽ പരിശോധിച്ചത്​.