Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right​സ്വാതന്ത്ര്യദിനത്തിൽ...

​സ്വാതന്ത്ര്യദിനത്തിൽ കോ​വി​ഡ് വാക്​സിൻ പുറത്തിറക്കാൻ ശ്രമം 

text_fields
bookmark_border
​സ്വാതന്ത്ര്യദിനത്തിൽ കോ​വി​ഡ് വാക്​സിൻ പുറത്തിറക്കാൻ ശ്രമം 
cancel

ന്യൂ​ഡ​ല്‍ഹി: കോ​വി​ഡ്​ വാ​ക്​​സി​ൻ എ​ല്ലാ ക്ലി​നി​ക്ക​ല്‍ പ​രീ​ക്ഷ​ണ​ങ്ങ​ള്‍ക്കും ശേ​ഷം ആ​ഗ​സ്​​റ്റ്​ 15ഓ​ടെ ല​ഭ്യ​മാ​ക്കാ​നു​ള്ള ശ്ര​മ​ത്തി​ലാ​ണ് ത​ങ്ങ​ളെ​ന്ന് ഐ.​സി.​എം.​ആ​ര്‍ ഡ​യ​റ​ക്ട​ര്‍ ബ​ല്‍റാം ഭാ​ര്‍ഗ​വ. ഇ​തു സം​ബ​ന്ധി​ച്ച ക്ലി​നി​ക്ക​ല്‍ പ​രീ​ക്ഷ​ണ​ങ്ങ​ൾ ന​ട​ത്തു​ന്ന ‘ഭാ​ര​ത് ബ​യോ​ടെ​ക്​ ഇ​ൻ​റ​ര്‍നാ​ഷ​ന​ല്‍ ലി​മി​റ്റ​ഡി’​ന്​ കീ​ഴി​ലു​ള്ള ആ​ശു​പ​ത്രി​ക​ള്‍ക്കെ​ഴു​തി​യ ക​ത്തി​ലാ​ണ്​ ഇ​ക്കാ​ര്യം വ്യ​ക്ത​മാ​ക്കി​യ​ത്. നി​ർ​ദി​ഷ്‌​ട സ​മ​യ​ത്ത്‌ പൂ​ർ​ത്തി​യാ​ക്കി​യി​ല്ലെ​ങ്കി​ൽ അ​ത്‌ ഗൗ​ര​വ​മാ​യി കാ​ണു​മെ​ന്ന്‌ ക​ത്തി​ൽ പ​റ​ഞ്ഞു. ‌ആ​റ് ആ​ശു​പ​ത്രി​ക​ളി​ലാ​ണ് ഇ​തി​നാ​യു​ള്ള പ​രീ​ക്ഷ​ണ​ങ്ങ​ള്‍ ന​ട​ക്കു​ന്ന​ത്. വാ​ക്‌​സി​ന്‍ ഈ ​മാ​സം ഏ​ഴു മു​ത​ല്‍ മ​നു​ഷ്യ​രി​ല്‍ പ​രീ​ക്ഷി​ച്ചു​തു​ട​ങ്ങു​മെ​ന്നും ഭാ​ര്‍ഗ​വ അ​റി​യി​ച്ചു. 

വാ​ക്‌​സി​​​െൻറ ഒ​ന്നും ര​ണ്ടും ഘ​ട്ട​ങ്ങ​ളി​ലു​ള്ള പ​രീ​ക്ഷ​ണ​ങ്ങ​ള്‍ക്ക് ക​ഴി​ഞ്ഞ ദി​വ​സ​മാ​ണ് ഐ.​സി.​എം.​ആ​ര്‍ അ​നു​മ​തി ന​ല്‍കി​യ​ത്. ഡ​ല്‍ഹി​യി​ലെ​യും പ​ട്ന​യി​ലെ​യും ഓ​ള്‍ ഇ​ന്ത്യ  ഇ​ൻ​സ്​​റ്റി​റ്റ്യൂ​ട്ട്  ഓ​ഫ് മെ​ഡി​ക്ക​ല്‍ സ​യ​ൻ​സ​സ്, വി​ശാ​ഖ​പ​ട്ട​ണ​ത്തെ കി​ങ്​ ജോ​ര്‍ജ് ഹോ​സ്പി​റ്റ​ല്‍, റോ​ത്ത​ക്കി​ലെ പ​ണ്ഡി​റ്റ് ഭ​ഗ​വ​ത് ദ​യാ​ല്‍ ശ​ര്‍മ പോ​സ്​​റ്റ്​​ഗ്രാ​ജ്വേ​റ്റ് ഇ​ൻ​സ്​​റ്റി​റ്റ്യൂ​ട്ട്​  ഓ​ഫ് മെ​ഡി​ക്ക​ല്‍ സ​യ​ന്‍സ​സ്, ഹൈ​ദ​രാ​ബാ​ദി​ലെ നി​സാം ഇ​ൻ​സ്​​റ്റി​റ്റ്യൂ​ട്ട്​ ഓ​ഫ് മെ​ഡി​ക്ക​ല്‍ സ​യ​ന്‍സ് തു​ട​ങ്ങി​യി​ട​ങ്ങ​ളി​ലാ​ണ് വാ​ക്സി​ൻ​ പ​രീ​ക്ഷ​ണം പു​രോ​ഗ​മി​ക്കു​ന്ന​ത്.  

അ​തേ​സ​​മ​യം, ഇൗ ​കാ​ല​യ​ള​വി​നു​ള്ളി​ൽ വാ​ക്​​സി​ൻ പു​റ​ത്തി​റ​ക്കു​മെ​ന്ന്​ പ​റ​യു​ന്ന​ത്​ അ​പ്രാ​യോ​ഗി​ക​മാ​ണെ​ന്ന്​ ആ​രോ​ഗ്യ​മേ​ഖ​ല​യി​ലെ വി​ദ​ഗ്​​ധ​ർ അ​ഭി​പ്രാ​യ​പ്പെ​ട്ടു. വാ​ക്സി​ൻ പ​രീ​ക്ഷ​ണ​ഘ​ട്ട​ത്തി​ലാ​ണ്. അ​ത്​ പെ​ട്ടെ​ന്ന് ത​യാ​റാ​കു​മെ​ന്ന് പ​റ​യു​ന്ന​ത്​ മ​ന​സ്സി​ലാ​ക്കാ​ൻ ക​ഴി​യു​ന്നി​ല്ലെ​ന്ന് പു​ണെ​യി​ലെ ഇ​ന്ത്യ​ൻ ഇ​ൻ​സ്​​റ്റി​റ്റ്യൂ​ട്ട് ഓ​ഫ് സ​യ​ൻ​സ് എ​ജു​ക്കേ​ഷ​ൻ ആ​ൻ​ഡ് റി​സ​ർ​ച്ചി​ലെ ഇ​മ്യൂ​ണോ​ള​ജി​സ്​​റ്റ്​ വി​നീ​ത ബാ​ൽ വ്യ​ക്ത​മാ​ക്കി. 

വാ​ക്‌​സി​ൻ പ​രീ​ക്ഷ​ണം മ​നു​ഷ്യ​രി​ൽ പൂ​ർ​ത്തി​യാ​ക്കാ​ൻ മൂ​ന്നു​മാ​സം വേ​ണ​മെ​ന്ന്‌‌ ഭാ​ര​ത് ബ​യോ​ടെ​ക്കു​മാ​യി ബ​ന്ധ​പ്പെ​ട്ട കേ​ന്ദ്ര​ങ്ങ​ളും പ​റ​യു​ന്നു. ഇ​തി​നു​ശേ​ഷം, ഡ്ര​ഗ്‌ ക​ൺ​ട്രോ​ള​ർ ഓ​ഫ്‌ ഇ​ന്ത്യ​യു​ടെ അ​നു​മ​തി​ക്കു ശേ​ഷ​മേ ചി​കി​ത്സ​ക്ക്‌ ഉ​പ​യോ​ഗി​ക്കാ​നാ​വൂ. ഈ ​ഘ​ട്ട​ത്തി​ലാ​ണ്‌ ആ​ഗ​സ്‌​റ്റ്​ 15ന്‌ ​വാ​ക്‌​സി​ൻ ല​ഭ്യ​മാ​ക്കാ​ൻ ശ്ര​മി​ക്ക​ണ​മെ​ന്ന്‌ ഐ.​സി.​എം.​ആ​ർ നി​ർ​ദേ​ശി​ച്ച​ത്‌.

Show Full Article
TAGS:covid vaccine india news malayalam news 
Next Story