Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightചാണകവും ഗോമൂത്രവും...

ചാണകവും ഗോമൂത്രവും വഴി കൊറോണ വൈറസിനെ തുരത്താമെന്ന്​ ബി.ജെ.പി എം.എൽ.എ

text_fields
bookmark_border
ചാണകവും ഗോമൂത്രവും വഴി കൊറോണ വൈറസിനെ തുരത്താമെന്ന്​ ബി.ജെ.പി എം.എൽ.എ
cancel

ഗുഹാവത്തി: ചാണകവും ഗോമൂത്രവും കൊറോണ വൈറസിനെ തുരത്താൻ സഹായിക്കുമെന്ന്​ അസമിലെ ബി.ജെ.പി എം.എൽ.എ സുമൻ ഹരിപ്രിയ.

ചാണകത്തെകുറിച്ചും ഗോമൂത്രത്തെക്കുറിച്ചും സർക്കാർ ഗവേഷണങ്ങൾ നടത്തിവരുകയാണ്​. ചാണകം കത്തിച്ച​ശേഷമുള്ള പുകക്ക്​ വൈറസിനെ നശിപ്പിക്കാനുള്ള ശേഷിയുണ്ട്​. ചാണകത്തിന്​ കൊറോണ വൈറസിനെ ചെറുക്കാൻ കഴിയുമെന്ന്​ ഞാൻ വിശ്വസിക്കുന്നെന്നും സുമൻ ഹരിപ്രിയ കൂട്ടിച്ചേർത്തു. നിയമസഭയിൽ കന്നുകാലികടത്തിനെക്കുറിച്ചുള്ള ചർച്ചക്കിടെയാണ് എം.എൽ.എ ​അഭിപ്രായ പ്രകടനം നടത്തിയത്​.

ശാസ്​ത്രീയ കാരണങ്ങളുള്ളതിനാലാണ്​ മതപരമായ കാര്യങ്ങളിൽ നാം ചാണകവും ഗോമൂത്രവും ഉപയോഗിക്കുന്നത്​. ഗുജറാത്തിലെ ചില ആശുപത്രികളിൽ ഇവ ആയുർവേദ മരുന്നായും ഉപയോഗിക്കുന്നുണ്ട്​. അവിടത്തെ രോഗികൾ ഇവകൊണ്ട്​ പഞ്ചാമൃതം നിർമിക്കുന്നുണ്ട്​. ഇത്തരം സാധ്യതകൾ വഴി കാൻസറിനെതിരെ പടപൊരുതാൻ സാധിക്കും. പശുവിൻെറ ഓരോ കാര്യവും പ്രാധാന്യമുള്ളതാണെന്നും സുമൻ ഹരിപ്രിയ അഭിപ്രായപ്പെട്ടു.

ബി.ജെ.പിയുടെ മുതിർന്ന നേതാവും മുൻ കേ​ന്ദ്രമന്ത്രിയുമായ ബിജോയ ചക്രബർത്തിയുടെ മകളാണ്​ സുമൻ ഹരിപ്രിയ.

Show Full Article
TAGS:corona bjp cow rss Suman Haripriya 
News Summary - coronavirus can be cured with cow dung and cow urine Assam BJP MLA
Next Story