കോവിഡ് 19: ഇറ്റാലിയൻ വിനോദസഞ്ചാരികളെ ഗുരുഗ്രാമിലെ ആശുപത്രിയിലേക്ക് മാറ്റി
text_fields
ഗുരുഗ്രാം: കൊവിഡ് 19 സ്ഥിരീകരിച്ച 14 ഇറ്റാലിയൻ വിനോദസഞ്ചാരികളേയും ഡൽഹിയിലെ ഇന്തോ-തിബത്തൻ ബോർഡർ പൊലീസ് (ഐ .ടി.ബി.പി) ക്യാമ്പിൽ നിന്ന് ഹരിയാനയിലെ ഗുരുഗ്രാമിലുള്ള മെദാന്ദ ആശുപത്രിയിലേക്ക് മാറ്റി. വ്യാഴാഴ്ചയാണ് ഇവ രെ വിദഗ്ധ ചികിത്സക്കായി മെദാന്ദ ആശുപത്രിയിലേക്ക് മാറ്റിയത്.
മെദാന്ദ മെഡിസിറ്റി പി.ആർ.ഒയാണ് ഇക്കാര്യം അറിയിച്ചത്. ആശുപത്രിയുടെ മറ്റ് ഭാഗങ്ങളുമായി യാതൊരുവിധ ബന്ധവും ഇല്ലാത്ത ഐസൊലേഷൻ ഫ്ലോറിേലക്കാണ് 14 പേരേയും മാറ്റിയതെന്ന് ആശുപത്രി അധികൃതർ വ്യക്തമാക്കി.
ഇവരുടെ ചികിത്സക്കും പരിചരണത്തിനുമായി ഡോക്ടർമാരുടെ പ്രത്യേക സംഘത്തെ തന്നെ ആശുപത്രി ചുമതലപ്പെടുത്തിയിട്ടുണ്ട്. എട്ട് പുരുഷൻമാരും 13 സ്ത്രീകളുമടക്കം 21 പേരടങ്ങുന്ന ഇറ്റാലിയൻ പൗരൻമാരിൽ രണ്ട്പേർക്ക് കൊറോണയുള്ളതായി നേരത്തേ ജയ്പൂർ ആശുപത്രിയിൽ സ്ഥിരീകരിച്ചിരുന്നു.