കൊറോണ: കേന്ദ്ര ധനമന്ത്രി വ്യവസായികളുമായി കൂടിക്കാഴ്ച നടത്തും
text_fieldsന്യൂഡൽഹി: കേന്ദ്ര ധനകാര്യ മന്ത്രി നിർമാല സീതാരാമൻ രാജ്യത്തെ വ്യവസായികളുമായും തൊഴിൽ സംഘടനകളുമായും ഇന്ന് ക ൂടിക്കാഴ്ച നടത്തും. രാജ്യത്തിൻെറ തൊഴിൽ-വ്യവസായ രംഗത്ത് കൊറോണ വൈറസ് ബാധ ‘കൊവിഡ്-19’ എത്രത്തോളം പ്രത്യാ ഘാതമുണ്ടാക്കിയെന്ന് വിലയിരുത്താനാണ് കൂടിക്കാഴ്ച.
ഇന്ത്യൻ സമ്പദ്വ്യവസ്ഥ ഏറെ സങ്കീർണതയിൽ നിൽക്കുമ്പോഴാണ് കൊറോണ വൈറസ് പടർന്നു പിടിക്കുന്നത്. അതിനാൽ തന്നെ ഇത് സാമ്പത്തിക തകർച്ച രൂക്ഷമാക്കിയേക്കുമെന്ന് ആശങ്കയുണ്ട്. സ്മാർട്ട് ഫോൺ, സോളാർ സെല്ലുകൾ, മൊഡ്യൂളുകൾ, ടി.വി, ഇലക്ട്രോണിക്സ് ഉത്പന്നങ്ങൾ, കളിപ്പാട്ടങ്ങൾ, ഫർണീച്ചറുകൾ, കമ്പ്യൂട്ടറുകൾ, കാറുകൾ എന്നു തുടങ്ങി ഭൂരിഭാഗം ഉത്പന്നങ്ങൾക്കും ഇന്ത്യ ചൈനയെ ആശ്രയിക്കുന്നുണ്ട്.
കൊറോണ വൈറസ് ബാധിച്ച് ചൈനയിൽ മരിച്ചവരുടെ എണ്ണം 1868 ആയി ഉയർന്നിട്ടുണ്ട്. ചൈനീസ് ആരോഗ്യ കമ്മിറ്റിയുടെ കണക്കനുസരിച്ച് കഴിഞ്ഞ 24 മണിക്കൂറിനുള്ളിൽ 98 പേരാണ് മരിച്ചത്. കൊറോണ വൈറസ് സാന്നിധ്യം സ്ഥിരീകരിക്കപ്പെട്ടവരുടെ എണ്ണം 72436 ആയി ഉയർന്നു. 1701 പേർക്ക് അസുഖം ഭേദമായി. 12552 അസുഖ ബാധിതരെ ആശുപത്രികളിൽ നിന്ന് ഡിസ്ചാർജ് ചെയ്തിട്ടുണ്ട്.
ലോകാരോഗ്യ സംഘടന കൊവിഡ്-19 എന്ന് പേരിട്ട കൊറോണ വൈറസ് ബാധ മൂലമുള്ള രോഗം 2019 ഡിസംബറിൽ ചൈനയിലെ വുഹാനിലെ ഹുബെ പ്രവിശ്യയിലാണ് ആദ്യം റിപ്പോർട്ട് ചെയ്തത്. പിന്നീട് ഇത് ഇന്ത്യയടക്കം 20ലേറെ രാജ്യങ്ങളിലേക്കും പടർന്നു പിടിക്കുകയായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.