പകർപ്പവകാശ കേസ്; ശങ്കറിന്റെ 10 കോടിയുടെ സ്വത്ത് ഇ.ഡി കണ്ടുകെട്ടി

ചെ​ന്നൈ: ര​ജ​നീ​കാ​ന്ത് നാ​യ​ക​നാ​യ ‘യ​ന്തി​ര​ൻ’ സി​നി​മ​യു​ടെ പ​ക​ർ​പ്പ​വ​കാ​ശ കേ​സി​ൽ പ്ര​മു​ഖ സം​വി​ധാ​യ​ക​ൻ എ​സ്. ശ​ങ്ക​റി​ന്റെ 10.11 കോ​ടി രൂ​പ​യു​ടെ സ്വ​ത്ത് എ​ൻ​ഫോ​ഴ്‌​സ്‌​മെ​ന്റ് ഡ​യ​റ​ക്ട​റേ​റ്റ് (ഇ.​ഡി.) ക​ണ്ടു​കെ​ട്ടി. ക​ള്ള​പ്പ​ണം വെ​ളു​പ്പി​ക്ക​ൽ നി​രോ​ധ​ന നി​യ​മം (പി.​എം.​എ​ൽ.​എ) അ​നു​സ​രി​ച്ചാ​ണ് ന​ട​പ​ടി.യ​ന്തി​ര​ൻ ത​ന്റെ ‘ജു​ഗി​ബ’ എ​ന്ന ക​ഥ​യി​ൽ​നി​ന്ന് പ​ക​ർ​ത്തി​യ​താ​ണെ​ന്ന് ആ​രോ​പി​ച്ച് എ​ഴു​ത്തു​കാ​ര​ൻ അ​ര​രൂ​ർ ത​മി​ഴ്നാ​ട​ൻ ആ​ണ് ഒ​രു കോ​ടി രൂ​പ ന​ഷ്ട​പ​രി​ഹാ​ര​മാ​വ​ശ്യ​പ്പെ​ട്ട് ശ​ങ്ക​റി​നും സ​ൺ പി​ക്ച്ചേ​ഴ്സ് ചെ​യ​ർ​മാ​ൻ ക​ലാ​നി​ധി മാ​ര​നും എ​തി​രെ കേ​സ് ന​ൽ​കി​യ​ത്.

സ്വ​ത​ന്ത്ര സാ​ക്ഷി​ക​ളി​ല്ലാ​ത്ത​തി​നാ​ൽ 2023ൽ ​മ​ദ്രാ​സ് ഹൈ​കോ​ട​തി ശ​ങ്ക​റി​ന് അ​നു​കൂ​ല​മാ​യി വി​ധി പ്ര​സ്താ​വി​ച്ചി​രു​ന്നു. യ​ന്തി​ര​ൻ സി​നി​മ​യു​ടെ ക​ഥ, തി​ര​ക്ക​ഥ, സം​ഭാ​ഷ​ണം, സം​വി​ധാ​നം എ​ന്നി​വ​ക്ക് ശ​ങ്ക​ർ 11.5 കോ​ടി രൂ​പ പ്ര​തി​ഫ​ല​മാ​യി കൈ​പ്പ​റ്റി​യി​രു​ന്നെ​ന്നും ഇ​ത് 1957ലെ ​പ​ക​ർ​പ്പ​വ​കാ​ശ​നി​യ​മ പ്ര​കാ​രം കു​റ്റ​മാ​ണെ​ന്നു​മാ​ണ് ഇ.​ഡി​യു​ടെ ക​ണ്ടെ​ത്ത​ൽ.