മുസ്​ലിമിനെ ജീവിത പങ്കാളിയാക്കി; യുവതിക്ക്​ യു.പി പൊലീസി​െൻറ മർദനം

മീററ്റ്​: മുസ്​ലിം യുവാവിനെ ജീവിത പങ്കാളിയായി സ്വീകരിച്ചതിന്​ യുവതിക്ക്​ പൊലീസി​​​​​െൻറ മർദനം. ഉത്തർപ്രദേശിലെ മീററ്റിലാണ്​ സംഭവം. 20കാരിയായ ഹിന്ദു യുവതിക്കാണ്​​ മുസ്​ലിം യുവാവി​നെ വിവാഹം ചെയ്​തതിന്​ മർദനമേൽക്കേണ്ടി വന്നത്​. ഇരുവരെയും വി.എച്ച്​.പി പ്രവർത്തകർ പിടിച്ച്​ ​െപാലീസ്​ സ്​റ്റേഷനിൽ കൊണ്ടു വരികയായിരുന്നു.

പൊലീസ്​ വാനിൽ വെച്ച്​ യുവതിയെ ഹോം ഗാർഡും വനിതാ കോൺസ്​റ്റബിളും ഉൾപ്പെടെ നാലു ​പൊലീസുകാരാണ്​ മർദിച്ചത്​. സംഭവത്തി​​​​​െൻറ വിഡിയോ പ്രചരിക്കുന്നുണ്ട്​. വാൻ ഒാടിക്കുന്ന സെയ്​ൻസെർപാൽ എന്ന ഹോം ഗാർഡ്​ തന്നെയാണ്​ ദൃശ്യങ്ങൾ പകർത്തിയത്​. മുസ്​ലിമിനൊപ്പം ജീവിക്കുന്നതിൽ നാണക്കേട്​ തോന്നുന്നില്ലേ എന്ന്​ ഇയാൾ ചോദിക്കുന്നതും ദൃശ്യങ്ങളിൽ കാണാം. വനിതാ കോൺസ്​റ്റബിൾ പ്രിയങ്കയാണ് യുവതിയെ മർദിച്ചത്​. മറ്റ്​ പൊലീസുകാർ യുവതി മുഖം മറച്ച തുണി മാറ്റാൻ ശ്രമിക്കുന്നുമുണ്ട്​.നാലുപേരും അശ്ലീല പദങ്ങളു​പയോഗിച്ച്​ യുവതിയെ ശകാരിക്കുന്നുമുണ്ട്​.

സംഭവത്തിൽ ഉൾപ്പെട്ട നാലു പൊലീസുകാരെയും സസ്​പെൻഡ്​ ചെയ്​തു. ഇവർക്കെതിരെ വകുപ്പുതല അന്വേഷണവും പ്രഖ്യാപിച്ചതായി അധികൃതർ അറിയിച്ചു. എന്നാൽ യുവതിക്കും യുവാവിനുമെതിരെ കേസെടുത്തിട്ടില്ലെന്നും യുവതിയുടെ മാതാപിതാക്ക​ളോട്​ സംസാരിച്ച ശേഷം മാത്രമേ ഇവരെ വിട്ടയക്കൂവെന്നും പൊലീസ്​ പറഞ്ഞു.

Totally unacceptable behaviour of police in #UP towards a Medical student girl they abused her ,hit her and we have the scene of the police with the girl in viral video; three cops doing this to a student in #Meerut its scary https://t.co/czyJJtJwzC @RahulGandhi @sushmitadevmp pic.twitter.com/LkY4EsQ7Jp

— Nagma Morarji (@nagma_morarji) September 25, 2018