ഗർഭിണിയായ ഭാര്യയുടെ ചികിത്​സക്ക്​ പണമില്ല; കുഞ്ഞിനെ വിൽക്കാ​െനാരുങ്ങി പിതാവ്​

കന്നൗജ്​: ഗർഭിണിയായ ഭാര്യയു​െട ചികിത്​സക്ക്​ വേണ്ട പണം കണ്ടെത്താൻ വഴിയില്ലാതെ 25,000 രൂപക്ക്​ നാലുവയസായ മകളെ വിൽക്കാനൊരുങ്ങി പിതാവ്​. ഉത്തർ പ്രദേശിലെ കന്നൗജിലാണ്​ സംഭവം. ബരേതി ദരാപുർ  ഗ്രാമത്തിൽ നിന്നുള്ള അരവിന്ദ്​ ബൻജാരയാണ്​ കുഞ്ഞിനെ വിൽക്കാനൊരുങ്ങിയത്​. 

ഏഴുമാസം ഗർഭിണിയായ ഭാര്യ സുഖ്​ദേവിയെ ചില ആരോഗ്യ പ്രശ്​നങ്ങൾ മൂലം ജില്ലാ ആശുപത്രിയിൽ പ്രവേശിപ്പിച്ചിരുന്നു. ചികിത്​സക്കായി രക്​തം വേണമെന്ന്​ ഡോക്​ടർമാർ ആവശ്യ​െപ്പട്ടു. രക്​തം കിട്ടിയില്ലെങ്കിൽ ഭാര്യയെ രക്ഷിക്കാനാകില്ലെന്ന്​ ഡോക്​ടർമാർ പറഞ്ഞു. ത​​​െൻറ ​െകെയിൽ പണമില്ല. കുഞ്ഞിനെ വിൽക്കുകയല്ലാതെ മറെറാരു മാർഗവുമുണ്ടായിരുന്നില്ല - അരവിന്ദ്​ പറഞ്ഞു. 

ദമ്പതികൾക്ക്​ നാലു വയസുള്ള മകളും ഒരു വയസുള്ള മകനുമുണ്ട്​. കുഞ്ഞിനെ വിൽക്കുന്നത്​ അസഹനീയമാണ്​. പക്ഷേ, മറ്റു മാർഗമുണ്ടായിരുന്നില്ലെന്നും ദമ്പതികൾ പറഞ്ഞു.  സംഭവം അറിഞ്ഞെത്തിയ യു.പി തിർവ പൊലീസ്​ ദമ്പതികളെ തടഞ്ഞു. ഇവരുടെ ചികിത്​സക്ക്​ വേണ്ട എല്ലാ സാമ്പത്തിക സഹായവും ലഭ്യമാക്കുമെന്നും പൊലീസ്​ പറഞ്ഞു. 

ദമ്പതികൾ ചികിതസ്​ക്ക്​ പണമില്ലാത്തതിനാൽ നാലു വയസുകാരി മകളെ വിൽക്കാൻ ശ്രമിക്കുന്നതായി നാട്ടുകാരിൽ നിന്ന്​ അറിഞ്ഞു. അവിട എത്തിയപ്പോൾ ഗർഭിണിയായ സ്​ത്രീ രക്​തം വാർന്ന അവസ്​ഥയിൽ ഇരിക്കുകയായിരന്നു. അതിനാൽ തിർവ പൊലീസ്​ സ്​റ്റേഷൻ ഇവർക്ക്​ വേണ്ട എല്ലാ സഹായവും നൽകാൻ തീരുമാനിച്ചുവെന്നും ധനസഹായ​ത്തോടൊപ്പം രക്​തവും നൽകുമെന്നും പൊലീസുകാർ അറിയിച്ചു.