തട്ടുകടക്കാരായി പൊലീസ്; ഭക്ഷണം കഴിക്കാനെത്തിയ പ്രതിയെ കൈയോടെ പിടികൂടി -സിനിമാ സ്‌റ്റൈല്‍ ഓപറേഷന്‍

അഹമ്മദാബാദ്: നിരവധി കേസുകളില്‍ പ്രതിയായ അക്രമിയെ തട്ടുകടയില്‍ ഭക്ഷണം കഴിക്കവേ സിനിമാ സ്റ്റൈല്‍ ഓപറേഷനിലൂടെ പിടികൂടി അഹമ്മദാബാദ് പൊലീസ് ക്രൈം ബ്രാഞ്ച്. കിഷോര്‍ പാഞ്ചാള്‍ (29) എന്നയാളെയാണ് പൊലീസ് തട്ടുകട ജീവനക്കാരായും മറ്റും വേഷം മാറിയെത്തി പിടികൂടിയത്. കഴിഞ്ഞ ഞായറാഴ്ച നടന്ന ഓപറേഷന്റെ ദൃശ്യങ്ങളാണ് പൊലീസ് പുറത്തുവിട്ടത്.

ക്രൈം ബ്രാഞ്ച് അന്വേഷിക്കുന്ന രണ്ട് വാഹനമോഷണ കേസുകള്‍ ഉള്‍പ്പെടെ പത്തോളം കേസുകളില്‍ പ്രതിയാണ് പിടിയിലായ കിഷോര്‍. ബലാത്സംഗം, കൊള്ള തുടങ്ങിയ കേസുകളുമുണ്ട്. ഇയാളുടെ താമസസ്ഥലം കണ്ടെത്തിയ പൊലീസ് തട്ടുകടക്കാരായും മറ്റും വേഷം മാറി സ്ഥലത്ത് കൂടുകയായിരുന്നു.

Undercover police officers from the #Ahmedabad crime branch arrested a man carrying a weapon in a Dhaba. He was also wanted in several criminal cases. pic.twitter.com/WuW7AcNedb

— The Indian Express (@IndianExpress) July 1, 2021

Video courteys: The Indian Express

പ്രതിയില്‍ നിന്ന് ഒരു തോക്കും, രണ്ട് തിരകളും കണ്ടെത്തിയതായി പൊലീസ് പറഞ്ഞു.