ആയുധങ്ങളുമായി പൊലീസ്​ ഉദ്യോഗസ്​ഥൻ ഒളിച്ചോടി; കശ്​മീരിൽ ജാഗ്രത

ശ്രീനഗർ: ജമ്മു കശ്മീരിൽ പി.ഡി.പി എം.എൽ.എയുടെ സുരക്ഷാ സേനാംഗമായ സ്​പെഷ്യൽ പൊലീസ്​ ഒാഫീസർ 10 തോക്കുകളുമായി കടന്നുകളഞ്ഞു. എം.എൽ.എയുടെ ശ്രീനഗർ ജവഹർ നഗറിലുള്ള വീട്ടിൽ നിന്നാണ്​ ഇയാൾ ഒളിച്ചോടിയത്​. ആദിൽ ബഷീർ എന്ന ഉദ്യോഗസ്​ഥനെയാണ്​ കാണാതായത്​. അഞ്ച്​ എ.കെ 47നും നാല്​ ​െഎ.എൻ.എസ്​.എ.എസും ഒരു പിസ്​റ്റളുമാണ്​ ഇയാൾ കടത്തിയത്​.

വാചി നിയോജക മണ്ഡലത്തിലെ എം.എൽ.എയായ ​​െഎജാസ്​ അഹമ്മദ്​ മിറി​​​െൻറ വീട്ടിലെ ഗാർഡ്​ റൂമിൽ നിന്നാണ്​ ആയുധങ്ങളുമായി ഉദ്യോഗസ്​​ഥൻ കടന്നുകളഞ്ഞത്​. ഷോപിയാൻ ജില്ലക്കാരനാണ്​ ഇയാൾ. സംഭവത്തെ തുടർന്ന്​ കശ്​മീരിൽ ജാഗ്രതാ നിർദേശം നൽകി. പൊലീസ് ഉദ്യോഗസ്ഥനെ കുറിച്ച്​ വിവരം നൽകുന്നവർക്ക്​ പൊലീസ്​ രണ്ടു ലക്ഷം രൂപ പാരിതോഷികവും ​പ്രഖ്യാപിച്ചു.