ഡയാനയുമായി വിവാദ അഭിമുഖം നടത്തിയ മാധ്യമപ്രവർത്തകൻ ബി.ബി.സി വിട്ടു

ലണ്ടൻ: 1995ൽ ഡയാന രാജകുമാരിയുടെ വിവാദ അഭിമുഖം സംഘടിപ്പിച്ച ബ്രിട്ടീഷ്​ മാധ്യമപ്രവർത്തകൻ മാർട്ടിൻ ബഷീർ ബി.ബി.സി വിട്ടു. ബി.ബി.സിയിൽ റിലീജിയൻ എഡിറ്ററായിരുന്നു അദ്ദേഹം.

ബി.ബി.സിയുടെ റിലീജിയൻ എഡിറ്റർ സ്​ഥാനത്തുനിന്ന്​ മാർട്ടിൻ ബഷീൻ രാജിവെച്ച്​ കമ്പനിയിൽനിന്ന്​ പുറത്തുപോകുകയാണെന്ന്​ ബി.ബി.സി ന്യൂസ്​ ഡെപ്യൂട്ടി ഡയറക്​ടർ ​ജൊനാഥൻ മൺറോ പറഞ്ഞു. ആരോഗ്യ കാരണങ്ങൾ ചൂണ്ടിക്കാട്ടിയാണ്​​ രാജിയെന്നാണ്​ വിവരം.

ഡയാന രാജകുമാരിയുടെ അഭിമുഖം ബ്രിട്ടീഷ്​ രാജകുടുംബത്തിന്​ ഇടിത്തീയായിരുന്നു. ചാൾസ്​ ചാജകുമാരനുമായുള്ള വിവാഹ ബന്ധത്തിലെ അസ്വാരസ്യങ്ങളാണ്​ ഡയാന പങ്കുവെച്ചത്​. മുൻ സുപ്രീംകോടതി ജഡ്​ജി ജോൺ ഡൈസന്‍റെ നേതൃത്വത്തിൽ അഭിമുഖം എങ്ങനെ ലഭിച്ചുവെന്നതിനെക്കുറിച്ച്​ അടിയന്തര അന്വേഷണം നടത്തിയിരുന്നു. ബി.ബി.സിയാണ്​ അന്വേഷണം പ്രഖ്യാപിച്ചത്​. ചാൾസിന്‍റെ സഹോദരൻ സ്​പെൻസറുടെ അഭ്യർഥന പ്രകാരമായിരുന്നു അന്വേഷണം. തെറ്റായ വിവരങ്ങൾ കാണിച്ചാണ്​ അഭിലമുഖത്തിന്​ ഡയാനയെ പ്രേരിപ്പിച്ചതെന്നായിരുന്നു സ്​പെൻസറിന്‍റെ ആരോപണം.

1995ൽ പുറത്തുവിട്ട ഡയാനയുടെ അഭിമുഖത്തിന്​ 22.8 മില്ല്യൺ കാഴ്ചക്കാരാണുണ്ടായിരുന്നത്​. എന്‍റെ വിവാഹത്തിൽ മൂന്നുപേരുണ്ട്​ എന്ന ഡയാനയുടെ വാചകം പിന്നീട്​ ​പ്രശസ്​തമായിരുന്നു. ചാൾസ്​ രാജകുമാരനെയും കാമുകി കാമില പാർക്കർ ബൗൾസ്​ പിന്നെ ഡയാനയെയും ഉദ്ദേശിച്ചായിരുന്നു ആ വാചകം. അഭിമുഖം പുറത്തുവന്ന്​ ഒരു വർഷത്തിന്​ ശേഷം 1996ൽ ഡയാനയും ചാൾസും വേർപിരിഞ്ഞു. ഒരു വർഷത്തിന്​ ശേഷം കാറപകടത്തിൽ ഡയാന ​െകാല്ലപ്പെട്ടു.

ഡയാനയെ തെറ്റിദ്ധരിപ്പിച്ചാണ്​ അഭിമുഖത്തിൽ പ​െങ്കടുപ്പിച്ചു എന്നതിന്​​ പുറമെ കൊട്ടാരത്തിലെ ജോലിക്കാർക്ക്​ ചാരപ്പണി നടത്താൻ കൈ​ക്കൂലി കൊടുത്തുവെന്നുമുള്ള ആരോപണങ്ങൾ പുറത്തുവന്നിരുന്നു. ബഷീറിനെതിരെ കുറ്റാരോപണങ്ങൾ വന്നിട്ടും ബി.ബി.സി മൗനം പാലിച്ചുവെന്നും ആരോപണങ്ങൾ ഉയർന്നിരുന്നു.

ആരോഗ്യ പ്രശ്​നങ്ങളെ തുടർന്ന്​ കുറച്ചുകാലമായി ബഷീർ ജോലിയിൽ പ്രവേശിച്ചിരുന്നില്ല. ഇദ്ദേഹത്തിന്​ കോവിഡ്​​ ബാധിക്കുകയും മാസങ്ങൾക്ക്​ മുമ്പ്​ ബൈപ്പാസ്​ ശസ്​ത്രക്രിയക്ക്​ വിധേയനാകുകയും ചെയ്​തിരുന്നു.