Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightആർട്ടിക്കിൾ 370...

ആർട്ടിക്കിൾ 370 റദ്ദാക്കൽ ചോദ്യം ചെയ്തുള്ള ഹ‌രജികള്‍ സുപ്രീംകോടതി ഇന്ന് പരിഗണിക്കും

text_fields
bookmark_border
ആർട്ടിക്കിൾ 370 റദ്ദാക്കൽ ചോദ്യം ചെയ്തുള്ള ഹ‌രജികള്‍ സുപ്രീംകോടതി ഇന്ന് പരിഗണിക്കും
cancel

ന്യൂഡൽഹി: ജമ്മുകശ്മീരി​​​​െൻറ പ്രത്യേക പദവി റദ്ദാക്കിയ കേന്ദ്രസര്‍ക്കാര്‍ നടപടി ചോദ്യം ചെയ്ത് സമര്‍പ്പിച്ച ഹരജികള്‍ സുപ്രിം കോടതി ഇന്ന് പരിഗണിക്കും. ഭരണഘടനച്ചട്ടങ്ങള്‍ മറികടന്നാണ് ആര്‍ട്ടിക്കിള്‍ 370 റദ്ദാക്കിയതെന്ന് ചൂണ്ടിക്കാട്ടുന്ന 11 ഹരജികളാണ്​ കോടതി ഇന്ന്​ പരിഗണിക്കുന്നത്​. ജസ്റ്റിസ് എന്‍.വി രമണ അധ്യക്ഷനായ അഞ്ചംഗ ഭരണഘടന ബഞ്ചാണ് ഹരജികള്‍ പരിഗണിക്കുക. ജസ്​റ്റിസുമാരായ എ.എസ്​ കൗൾ, ആർ. സുഭാഷ്​ റെഡ്​ഢി, ബി.ആർ ഗവായ്​, സൂര്യ കാന്ത്​ എന്നിവരാണ്​ ഭരണഘടനാ ബെഞ്ചിലെ മറ്റ്​ അംഗങ്ങൾ.

ആഗസ്റ്റ് അഞ്ചിനാണ് ജമ്മുകശ്മീരിന് പ്രത്യേക പദവി നല്‍കുന്ന 370, 35 എ എന്നീ ഭരണഘടന അനുച്ഛേദങ്ങള്‍ രാഷ്ട്രപതിയുടെ ഉത്തരവിലൂടെ കേന്ദ്രസർക്കാർ റദ്ദാക്കിയത്. ജമ്മുകശ്മീരിനെയും ലഡാക്കിനെയും പ്രത്യേക കേന്ദ്രഭരണപ്രദേശങ്ങളാക്കി തിരിക്കുന്ന നിയമവും കേന്ദ്രം കൊണ്ടുവന്നിരുന്നു. ഇവ ചോദ്യം ചെയ്ത് 11ഹരജികളാണ് സുപ്രിം കോടതിക്ക് മുന്നിലുള്ളത്.

കേന്ദ്ര തീരുമാനം ഫെഡറല്‍ സംവിധാനത്തെ വെല്ലുവിളിക്കുന്നതാണ്. കേന്ദ്രതീരുമാനത്തിന് കശ്മീര്‍ ജനതയുടെ അനുമതിയില്ല. 2019ലെ ജമ്മുകശ്മീര്‍ പുനഃസംഘടന നിയമമനുസരിച്ച് സംസ്ഥാനത്തെ കേന്ദ്രഭരണപ്രദേശമാക്കാന്‍ കേന്ദ്രത്തിന് അധികാരമില്ലെന്നും ഹരജികള്‍ വാദിക്കുന്നു.

നാഷണല്‍ കോണ്‍ഫറന്‍സ് നേതാക്കളായ മുഹമ്മദ് അക്ബര്‍ ലോണ്‍, ഹസനൈന്‍ മസൂദി എന്നിവര്‍ക്ക് പുറമെ ജമ്മുകശ്മീര്‍ പീപ്പിള്‍സ് മൂവ്മെന്റ് നേതാക്കളായ ഷാ ഫൈസല്‍, ഷഹ്ല റാഷിദ്, അഭിഭാഷകരായ ഷാക്കിര്‍ ഷബീര്‍, എം.എല്‍ ശര്‍മ, സി.പി.എം നേതാവ് മുഹമ്മദ് യൂസുഫ് തരിഗാമി എന്നിവരുൾപ്പെടെ 12 ഹരജിക്കാരാണുള്ളത്​. അഭിഭാഷകനായ എസ്​.എൽ ശർമയാണ്​ ആദ്യം ഹരജി നൽകിയത്​. രാഷ്​ട്രപതിയുടെ ഉത്തരവ്​ പുനഃപരിശോധിക്കണമെന്നാവശ്യപ്പെട്ട്​ ആഗസ്​റ്റ്​ ആറിനു തന്നെ ശർമ സുപ്രീംകോടതിയിൽ ഹരജി നൽകിയിരുന്നു.

ഭരണഘടന സാധുത ചോദ്യം ചെയ്തുള്ള ഹരജികള്‍ക്ക് പുറമെ സര്‍ക്കാര്‍ ഏര്‍പ്പെടുത്തിയ നിയന്ത്രണങ്ങള്‍, അന്യായ തടവുകള്‍ എന്നിവ ചോദ്യം ചെയ്തുള്ള ഹരജികളും ഈ ബഞ്ച് പരിഗണിക്കും. ഇതു സംബന്ധിച്ച്​ ഏഴു ഹരജികളാണ്​ ഭരണഘടനാ ബെഞ്ചിന്​ മുന്നിലുള്ളത്​. മാ​ധ്യ​മ​വി​ല​ക്കി​നെ​തി​രെ ക​ശ്​​മീ​ർ ടൈം​സ്​ എ​ക്​​സി​ക്യൂ​ട്ടി​വ്​ എ​ഡി​റ്റ​ർ അ​നു​രാ​ധ ഭാ​സി​ൻ ന​ൽ​കി​യ ഹ​ര​ജി, മൊ​ബൈ​ൽ, ഇ​ൻ​റ​ർ​നെ​റ്റ്​ സേ​വ​ന​ങ്ങ​ൾ റ​ദ്ദാ​ക്കി​യ​തി​നെ​തി​രെ ഡോ. ​സ​മീ​ർ കൗ​ൾ സ​മ​ർ​പ്പി​ച്ച ഹ​ര​ജി, കു​ട്ടി​ക​ൾ അ​നു​ഭ​വി​ക്കു​ന്ന പീ​ഡ​ന​ങ്ങ​ൾ​ക്കെ​തി​രെ ഏ​നാ​ക്ഷി ഗാം​ഗു​ലി​യു​ടെ ഹ​ര​ജി എ​ന്നി​വ​യും ഇ​തി​ലു​ൾ​പ്പെ​ടും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Constitution Benchindia newsarticle 370pleasabrogation
News Summary - constitution bench to hear pleas challenging abrogation of Article 370 from today - India news
Next Story