Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഡി.ജി.പിക്ക്​ വെച്ച...

ഡി.ജി.പിക്ക്​ വെച്ച സീറ്റ്​ കോൺസ്​റ്റബിൾ കൊണ്ടു പോയി; ബിഹാറിലെ ട്വിസ്​റ്റ്​

text_fields
bookmark_border
ഡി.ജി.പിക്ക്​ വെച്ച സീറ്റ്​ കോൺസ്​റ്റബിൾ കൊണ്ടു പോയി; ബിഹാറിലെ ട്വിസ്​റ്റ്​
cancel

പാട്​ന: മുൻ ബിഹാർ ​പൊലീസ്​ മേധാവിയായിരുന്ന ഗുപ്​തേശ്വർ പാണ്ഡേ കഴിഞ്ഞ മാസമാണ്​ പദവി രാജിവെച്ച്​ രാഷ്​ട്രീയ പ്രവേശനം പ്രഖ്യാപിച്ചത്​. വരാനിരിക്കുന്ന നിയമസഭാ തെരഞ്ഞെടുപ്പിൽ മത്സരിക്കാനായിരുന്നു അദ്ദേഹത്തി​െൻറ രാജിയെന്നായിരുന്നു​ അണിയറ സംസാരം. എന്നാൽ പ്രതീക്ഷിച്ച പോലെ ബിഹാറിൽ മുൻ ഡി.ജി.പിക്ക്​ സീറ്റ്​ ലഭിച്ചില്ല. ഇതിന്​ പിന്നാൽ ബക്​സർ സീറ്റിൽ നിന്ന്​ ജനതാദൾ യുണൈറ്റഡ്​ സ്ഥാനാർഥിയായി മത്സരിക്കാനായിരുന്നു ത​െൻറ താൽപര്യമെന്നത്​ വെളിപ്പെടുത്തിയിരിക്കുകയാണ്​ ഡി.ജി.പി.

മുൻ ഡി.ജി.പി മത്സരിക്കാൻ ആഗ്രഹിച്ചിരുന്ന ബക്​സർ സീറ്റിൽ തെരഞ്ഞെടുപ്പിനെ നേരിടുന്നതും ഒരു മുൻ പൊലീസുകാരനാണ്​. ബി.ജെ.പി സ്ഥാനാർഥിയായി മൽസരിക്കുന്ന പരശുറാം ചതുർവേദിയെന്ന മുൻ പൊലീസ്​ കോൺസ്​റ്റബിളാണ്​ ബക്​സറിലെ എൻ.ഡി.എ സ്ഥാനാർഥി.

ഡി.ജി.പി എ​െൻറ ​സഹോദരനെ പോലെയാണ്​. അദ്ദേഹത്തി​െൻറ കാലുതൊട്ട്​ അനുഗ്രഹം വാങ്ങിയാണ്​ തെരഞ്ഞെടുപ്പ്​ ഗോദയിലിറങ്ങിയതെന്ന്​ ചതുർവേദി പറഞ്ഞു. ബിഹാർ പൊലീസിൽ ജോലി ചെയ്​തിരുന്ന സമയത്ത്​ എല്ലാ വകുപ്പുകളിലും ആത്​മാർഥതയോടെ പണിയെടുക്കാൻ തനിക്ക്​ സാധിച്ചിട്ടു​​​​ണ്ടെന്നും അദ്ദേഹം കൂട്ടിച്ചേർത്തു.

സർവിസിൽ നിന്ന്​ വളണ്ടിയർ റിട്ടയർമെൻറ്​ എടുത്തതിന്​ ശേഷമാണ്​ ബിഹാർ മുൻ ഡി.ജി.പി ഗുപ്​തേശ്വർ പാണ്ഡേ നിതീഷ്​ കുമാറി​െൻറ പാർട്ടിയിൽ ചേർന്നത്​. എന്നാൽ കഴിഞ്ഞ ദിവസം പുറത്തുവിട്ട ജെ.ഡി.യു സ്ഥാനാർഥി ലിസ്​റ്റിൽ അദ്ദേഹത്തി​െൻറ പേരുണ്ടായിരുന്നില്ല.

Show Full Article
TAGS:Bihar elections former DGP 
Web Title - Constable Beats Ex Bihar Top Cop To Ticket For Bihar Seat, Says This
Next Story