Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightദേശീയ സുരക്ഷാ ലംഘനം;...

ദേശീയ സുരക്ഷാ ലംഘനം; അർണബിനെതിരേ പരാതിയുമായി എൻ.എസ്​.യു ​

text_fields
bookmark_border
Congress youth wing files complaint against
cancel

ഡൽഹി: ടി.വി അവതാരകൻ അർണബ്​ ഗോസ്വാമിയും ടെലിവിഷൻ റേറ്റിങ്​ കമ്പനിയായ ബാർക്​ സി.ഇ.ഒയ​ും തമ്മിലുള്ള വാട്​സ്​ആപ്പ്​ ചാറ്റുകളിൽ പുറത്തുവന്ന വിഷയങ്ങളിൽ അന്വേഷണം ആവശ്യപ്പെട്ട്​ നാഷനൽ സ്റ്റുഡന്‍റ്​സ്​ യൂനിയൻ. എൻ‌എസ്‌യു ദേശീയ സെക്രട്ടറി റോഷൻ ലാൽ ബിട്ടു മഹാരാഷ്ട്രയിലെ ചന്ദ്രപൂരിൽ ഇതുസംബന്ധിച്ച്​ പരാതി നൽകി. ഇന്ത്യയിലെ ജനങ്ങളുടെ മുമ്പിൽ അർണബ്​ വഞ്ചകനാണെന്ന് പരാതിയിൽ പറയുന്നു.


'വാട്​സ്ആപ്പ് സംഭാഷണങ്ങൾ വെളിപ്പെടുത്തുന്നത് 2019 ഫെബ്രുവരി 26ന് നടന്ന ബാലകോട്ട് ആക്രമണത്തെക്കുറിച്ച് അർണബിനെ രഹസ്യ സ്രോതസ്സിലൂടെ വിവരം ലഭിച്ചിരുന്നുവെന്നാണെന്ന്​' പരാതിയിൽ പറയുന്നു. 'തന്‍റെ ടിവി ചാനലിന്‍റെ ടിആർപി വർധിപ്പിക്കുന്നതിന്​ ഗോസ്വാമി രാജ്യരഹസ്യങ്ങളെ ഉപയോഗിച്ചു. അദ്ദേഹത്തിന്‍റെ പ്രവർത്തനം രാജ്യത്തെ ജനങ്ങളോടുളള വിശ്വാസവഞ്ചനയാണെന്നും' എൻ‌എസ്‌യു നൽകിയ പരാതിയിൽ പറയുന്നു.

മഹാരാഷ്ട്ര പോലീസ് ഇക്കാര്യം അന്വേഷിച്ചുവരികയാണെന്ന് റോഷൻ ലാൽ ബിട്ടു പറഞ്ഞു. വ്യാജ ടിആർപി വിഷയത്തിൽ ഇതിനകം അന്വേഷണം നടക്കുന്നുണ്ട്​. അതിനാൽ ദേശീയ സുരക്ഷാ ലംഘനത്തെക്കുറിച്ച്​ അന്വേഷിക്കാൻ പരാതിയിൽ ആവശ്യപ്പെട്ടതായും ബിട്ടു കൂട്ടിച്ചേർത്തു. എൻ‌എസ്‌യു പരാതി നൽകിയതായി ചന്ദ്രപൂരിലെ രാംനഗർ പോലീസ് സ്റ്റേഷനിലെ ഇൻസ്പെക്ടർ പ്രകാശ് ഹേക്ക് സ്​ഥിരീകരിച്ചിട്ടുണ്ട്​.

രാജ്യമെമ്പാടുമുള്ള നിരവധി പോലീസ് സ്റ്റേഷനുകളിൽ അവർ പരാതി സമർപ്പിച്ചതായി പറഞ്ഞതായും നടപടിക്രമമനുസരിച്ച് തങ്ങൾ ഇത് പോലീസ് സൂപ്രണ്ട് ഓഫീസിലേക്ക് കൈമാറിയെന്നും അദ്ദേഹം കൂട്ടിച്ചേർത്തു.

Show Full Article
TAGS:Arnab Goswami NSU whatsapp chat leaked complaint filed 
Next Story