Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightരാഹുൽ അധ്യക്ഷ സ്ഥാനം...

രാഹുൽ അധ്യക്ഷ സ്ഥാനം ഏറ്റെടുക്കണമെന്ന്​ ​കോൺഗ്രസ്​ പ്രവർത്തക സമിതി

text_fields
bookmark_border
രാഹുൽ അധ്യക്ഷ സ്ഥാനം ഏറ്റെടുക്കണമെന്ന്​ ​കോൺഗ്രസ്​ പ്രവർത്തക സമിതി
cancel

ന്യൂഡൽഹി: കോൺഗ്രസ്​ അധ്യക്ഷ സ്ഥാനം ഏറ്റെടുക്കണമെന്ന്​ കോൺഗ്രസ്​ പ്രവർത്തക സമിതി ഏകകണ്​ഠമായി രാഹുൽ ഗാന്ധിയോട്​ ആവശ്യപ്പെട്ടു.  ഡൽഹിയിൽ നടന്ന കോൺഗ്രസ്​ പ്രവർത്തക സമിതി യോഗത്തിൽ മുതിർന്ന നേതാവ്​ എ. കെ ആൻറണിയാണ്​ ആവശ്യം ഉന്നയിച്ചത്​.  മുൻ​പ്രധാനമന്ത്രി മൻമോഹൻ സിങ്​ പിന്താങ്ങി. പിന്നാലെ പ്രവർത്തക സമിതി അംഗങ്ങൾ ഒന്നടങ്കം ഇൗ ആവശ്യം ഉന്നയിക്കുകയായിരുന്നു. അംഗങ്ങളുടെ അഭിപ്രായം അറിയിക്കാൻ കോൺഗ്രസ്​ അധ്യക്ഷ സോണിയ ഗാന്ധിയുമായി കൂടിക്കാഴ്​ച നടത്താനും  പ്രവർത്തക സമിതി തീരുമാനിച്ചു.

ആരോഗ്യകാരണങ്ങളാൽ കോൺ​ഗ്രസ്​ അധ്യക്ഷ സോണിയ ഗാന്ധി ഇന്നത്തെ പ്രവർത്തക സമിതി യോഗത്തില്‍ പങ്കെടുത്തില്ല. സോണിയയുടെ അസാന്നിധ്യത്തില്‍ രാഹുല്‍ ഗാന്ധിയാണ് യോഗത്തിന് അധ്യക്ഷത വഹിച്ചത്​. 46 കാരനായ രാഹുൽ 2013 മുതൽ എ​.െഎ.സി.സി ​ ഉപാധ്യക്ഷനാണ്​.  മുതിർന്ന നേതാക്കളായ പി ചിദംബരം, ഗുലാം നബി ആസാദ്​, ജനാർദൻ ദ്വിവേദി, അഹ്​മദ്​ പ​േട്ടൽ, അംബികാ സോണി തുടങ്ങിയവർ പ്രവർത്തക സമിതിയിൽ പ​െങ്കടുക്കുന്നുണ്ട്​.

രാഹുല്‍ ഗാന്ധിയെ കോണ്‍ഗ്രസ് അധ്യക്ഷ സ്ഥാനത്തേക്ക് ഉയര്‍ത്തുന്ന കാര്യത്തില്‍ ​പ്രവർത്തക സമിതി യോഗം തീരുമാനമെടുക്കുമെന്ന്​ സൂചനയുണ്ടായിരുന്നു. അതേസമയം ഉത്തർ പ്രദേശ്​, പഞ്ചാബ്​ ​സംസ്ഥാന തെരഞ്ഞെടുപ്പുകൾക്ക്​ ശേഷം നേതൃമാറ്റം മതിയെന്നാണ്​ കോൺഗ്രസിലെ ഒരു വിഭാഗം ആവ​ശ്യപ്പെടുന്നത്​. 1998 മുതൽ ​കോൺഗ്രസ്​ അധ്യക്ഷയാണ്​ സോണിയ ഗാന്ധി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sonia gandhiaicccongress presidentcongress working committeeRahul Gandhi
News Summary - Congress Working Committee unanimously asks Rahul Gandhi to take over as party president
Next Story