ഹാഥറസ്​: സ്​മൃതി ഇറാനിയെ വാരണാസിയിൽ തടഞ്ഞു

ലഖ്​നോ: കേന്ദ്രമന്ത്രി സ്​മൃതി ഇറാനിയെ വാരണാസിയിൽ കോൺഗ്രസ്​ പ്രവർത്തകർ തടഞ്ഞു. രാഹുൽ ഗാന്ധിയുടെ ഹാഥറസ്​ യാത്ര രാഷ്​ട്രീയപ്രേരിതമാണെന്ന്​ സ്​മൃതി ഇറാനി ആരോപിച്ചിരുന്നു.

സർക്കാർ വിരുദ്ധ മുദ്രവാക്യങ്ങളുമായാണ്​ പ്രതിഷേധക്കാർ ഇറാനിയെ തടഞ്ഞത്​. പ്രതിഷേധക്കാരെ പിന്നീട്​ അറസ്​റ്റ്​ ചെയ്​ത്​ നീക്കിയെന്ന്​ കോൺഗ്രസ്​ വക്​താവ്​ ലാലൻ കുമാർ പറഞ്ഞു. വാരണാസിയിൽ കർഷകരുടെ യോഗത്തിൽ പ​ങ്കെടുക്കാനാണ്​ സ്​മൃതി ഇറാനി എത്തിയത്​.

അതേസമയം, ഹാഥറസ്​ പെൺകുട്ടിയുടെ വീട്​ സന്ദർശിക്കാനായി രാഹുൽ ഗാന്ധി യാത്രതിരിച്ചു. രാഹുലിൻെറ യാത്രയുടെ പശ്​ചാത്തലത്തിൽ അതിർത്തികളിൽ കർശന സുരക്ഷയാണ്​ യു.പി പൊലീസ്​ ഏർപ്പെടുത്തിയിരിക്കുന്നത്​.