ലോക്​ഡൗൺ നീട്ടണമെന്ന്​ കോൺഗ്രസ്​

​പനാജി: കോവിഡ്​ ബാധിച്ച്​ മരിക്കുന്നവരുടെ എണ്ണം വർദ്ധിക്കുന്നതിനാൽ ഗോവയിൽ ലോക്​ഡൗൺ നീട്ടണമെന്ന്​ കോൺഗ്രസ്.

തീരദേശ സംസ്ഥാനമായ ഗോവയിലെ അവസ്ഥ ഭീകരമാണ്​​. നിലവിൽ സംസ്ഥാനത്തേർപ്പെടുത്തിയ നാല് ദിവസത്തെ ലോക്ക് ഡൗൺ വീണ്ടും നീട്ടണമെന്ന് നിയമസഭയിലാണ്​ പ്രതിപക്ഷ നേതാവായ ദിഗംബർ കാമത്ത് ആവശ്യപ്പെട്ടത്​. നിരപരാധികളുടെ ജീവിതം വെച്ച്​ സംസ്ഥാനം കളിക്കരുതെന്നും കാമത്ത് ആവശ്യപ്പെട്ടു.ജനങ്ങൾ ഭീതിയിലാണ്​, വളരെ ഉയർന്ന വളരെ ഉയർന്ന ടെസ്റ്റ് പോസിറ്റിവിറ്റി നിരക്കാണ്​ സംസ്ഥാനത്തുള്ളതെന്നും അദ്ദേഹം പറഞ്ഞു.

വെള്ളിയാഴ്​ചയാണ്​ തിങ്കളാഴ്ച രാവിലെ 6 വരെ ലോക്​ഡൗൺ പ്രഖ്യാപിച്ചത്​. ശനിയാഴ്ച ഗോവയിൽ 2,303 പേർക്കാണ്​ കോവിഡ്​ പോസിറ്റീവായത്​. 54 ​മരണം റിപ്പോർട്ട്​ ചെയ്യുകയും ചെയ്​തിരുന്നു.