Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightദിഗ്​വിജയ്​ സിങ്​...

ദിഗ്​വിജയ്​ സിങ്​ പത്രിക നൽകി; പോരാട്ടം സിന്ധ്യക്കെതിരെ

text_fields
bookmark_border
ദിഗ്​വിജയ്​ സിങ്​ പത്രിക നൽകി; പോരാട്ടം സിന്ധ്യക്കെതിരെ
cancel

ഭോപാൽ: മുൻ മധ്യപ്രദേശ്​ മുഖ്യമന്ത്രിയും മുതിർന്ന കോൺഗ്രസ്​ നേതാവുമായ ദിഗ്​വിജയ്​ സിങ്​ രാജ്യസഭയിലേക്ക്​ നാമനിർദേശ പത്രിക നൽകി. കോൺഗ്രസിൽനിന്ന്​ കഴിഞ്ഞ ദിവസം ബി.ജെ.പിയിൽ ചേക്കേറിയ മുൻ എ.ഐ.സി.സി ജന. സെക്രട്ടറി ജ്യോതിരാദിത്യ സിന്ധ്യക്കെതിരെയാകും ദിഗ്​വിജയ്​ സിങ്ങി​​െൻറ മത്സരം. മധ്യപ്രദേശിൽനിന്നുള്ള മൂന്നു രാജ്യസഭ സീറ്റുകളിൽ മാറ്റുരക്കുന്ന ബി.ജെ.പി ജ്യോതിരാദിത്യയെ സ്​ഥാനാർഥികളിലൊരാളായി പ്രഖ്യാപിച്ചിട്ടുണ്ട്​. സംസ്​ഥാനത്തെ 22 എം.എൽ.എമാരുമായി മറുകണ്ടം ചാടിയ ജ്യോതിരാദിത്യയിൽ പ്രതീക്ഷയർപ്പിക്കുന്ന ബി.ജെ.പി നേരത്തേ കണക്കുകൂട്ടിയതിലും ഒരു സീറ്റ്​ അധികമായി നേടാൻ കഴിയു​െമന്ന പ്രതീക്ഷയിലാണിപ്പോൾ. സിന്ധ്യ നാളെ നാമനിർദേശ പത്രിക നൽകും.

സിന്ധ്യയെ തുണക്കുന്ന എം.എൽ.എമാരുടെ സഹായത്തോടെ സംസ്​ഥാനത്തെ കമൽനാഥ്​ സർക്കാറിനെ മറിച്ചിടാനൊരുങ്ങുകയാണ്​ ബി.ജെ.പി. ഇതിനിടയിലാണ്​ അടുത്ത മാസം രാജ്യസഭ തെരഞ്ഞെടുപ്പുമെത്തുന്നത്​. നിലവിൽ ദിഗ്​വിജയ്​ സിങ്ങും ബി.ജെ.പിക്കാരായ പ്രഭാത്​ ഝാ, സത്യനാരായൺ ജതിയ എന്നിവരുമാണ്​ മധ്യപ്രദേശിൽനിന്നുള്ള രാജ്യസഭാംഗങ്ങൾ. ദിഗ്​വിജയിനൊപ്പം ഫൂൽ സിങ്​ ബറയ്യയാണ്​ കോൺഗ്രസി​​െൻറ മറ്റൊരു സ്​ഥാനാർഥി. സുമർസിങ്​ സോളങ്കിയാണ്​ സിന്ധ്യക്കൊപ്പം ബി.ജെ.പിക്കുവേണ്ടി മത്സരത്തിനിറങ്ങുന്ന രണ്ടാമത്തെ സ്​ഥാനാർഥി.

58 ഫസ്​റ്റ്​ വോട്ടുകളാണ്​ ഒരു സ്​ഥാനാർഥിക്ക്​ ജയിക്കാൻ വേണ്ടത്​. നേരത്തേ 120 എം.എൽ.എമാരുടെ പിന്തുണയുള്ള കോൺഗ്രസിന്​ രണ്ടു പേരെ ജയിപ്പിച്ചെടുക്കാമായിരുന്നു. എന്നാൽ, സിന്ധ്യക്കൊപ്പം പോയ 22 എം.എൽ.എമാർ രാജിവെച്ചതോടെ സമവാക്യം മാറി. അതോടെ ആവശ്യമുള്ള ഫസ്​റ്റ്​വോട്ടുകളുടെ എണ്ണം 52 ആയി മാറി. കോൺഗ്രസ്​ 99ലേക്ക്​ ചുരുങ്ങിയപ്പോൾ 107 എം.എൽ.എമാരുടെ പിന്തുണയുള്ള ബി.ജെ.പി രണ്ടു സ്​ഥാനാർഥികളെ ജയിപ്പിക്കാൻ കഴിയുന്ന നിലയിലാണിപ്പോൾ.

Show Full Article
TAGS:Digvijaya Singh Rajya Sabha Polls india news 
News Summary - Congress Veteran Digvijaya Singh Files Nomination for Rajya Sabha Polls-india news
Next Story