തദ്ദേശ തെരഞ്ഞടുപ്പ്​: ബി.ജെ.പിയെ തൂത്തെറിഞ്ഞ്​ പഞ്ചാബ്​, കോൺഗ്രസിന്​ മഹാവിജയം

അമൃത്​സർ: കർഷക ​പ്രക്ഷോഭം തുടരുന്നതിനിടെ ബി.ജെ.പിക്ക്​ ചങ്കിടിപ്പേറ്റി പഞ്ചാബിലെ തദ്ദേശ തെരഞ്ഞെടുപ്പ്​ ഫലം. ഗ്രാമങ്ങളിലും നഗരങ്ങളിലുമെല്ലാം വ്യക്തമായ ആധിപത്യം പുലർത്തി കോൺഗ്രസ്​ മുന്നേറുകയാണ്​. ആദ്യ ഫലസൂചനകൾ പുറത്തുവന്നപ്പോൾ പരമ്പരാഗത ശക്തി കേന്ദ്രങ്ങൾ പോലും ബി.ജെ.പി​െയ കൈവിട്ടു. കാർഷിക പ്രശ്​നത്തെ തുടർന്ന്​ എൻ.ഡി.എ വിട്ട ശിരോമണി അകാലിദളില്ലാതെ ബി.ജെ.പി തനിച്ചാണ്​ തെരഞ്ഞെടുപ്പിനെ നേരിട്ടത്​.

ഫെബ്രുവരി 14നായിരുന്നു തെരഞ്ഞെടുപ്പ്​ നടന്നത്​. എട്ട്​ കോർപ​േറഷനുകളിൽ എട്ടിടത്തും 109 കൗൺസിലുകളിൽ 63 ഇടത്തും കോൺഗ്രസാണ്​ ലീഡ്​ ചെയ്യുന്നത്​. ബി.ജെ.പി ഭരിച്ച 29 പഞ്ചായത്തുകൾ കോൺഗ്രസ്​ ഇക്കുറി വിജയിച്ചിട്ടുണ്ട്​.

പത്താൻകോട്ട്​, ഹോഷിയാർപൂർ, ബതിൻഡ, രോപർ, ബട്ടാല അടക്കമുള്ള മുനിസിപ്പാലിറ്റികളിൽ കോൺഗ്രസ്​ വ്യക്തമായ ഭൂരിപക്ഷം നേടി. ഏറിയസ്ഥലത്തും ശിരോമണി അകാലിദളിനും ആംആദ്​മി പാർട്ടിക്കും പിന്നിലായാണ്​ ബി.ജെ.പി ഫിനിഷ്​ ചെയ്​തത്​. ഹോഷിയാർപൂരിൽ ബി.ജെ.പി നേതാവും മുൻ കേന്ദ്രമന്ത്രിയുമായ തിക്ഷൺ സൂദിന്‍റെ ഭാര്യ പരാജയപ്പെട്ടു. അന്തിമഫലസൂചനകൾ പുറത്തുവന്നിട്ടില്ലെങ്കിലും കോൺഗ്രസ്​ ക്യാമ്പുകളിൽ ആഹ്ലാദ പ്രകടനം ആരംഭിച്ചിട്ടുണ്ട്​.

തെരഞ്ഞെടുപ്പ്​ ഫലം:

ജലാലാബാദ്​: കോൺഗ്രസ്​ -11

ശിരോമണി അകാലിദൾ-5

ആംആദ്​മി-2

ബതിൻഡ:

കോൺഗ്രസ്​ -43

ശിരോമണി അകാലിദൾ-7

ദേരാബസി:

കോൺഗ്രസ്​ -13

ശിരോമണി അകാലിദൾ-3

ബി.ജെ.പി-1

ഖരർ:

കോൺഗ്രസ്​ -8
ശിരോമണി അകാലിദൾ-7

പത്താൻകോട്ട്​:
കോൺഗ്രസ്​-13

ബി.ജെ.പി -2

ഫാസിൽക:

കോൺഗ്രസ്​:11

ശിരോമണി അകാലിദൾ-5

ആംആദ്​മി-1