ഗാന്ധി കുടുംബത്തിന്‍റെ സു​ര​ക്ഷ പിൻവലിക്കൽ: ലോക്സഭയിൽ കോൺഗ്രസ് പ്രതിഷേധം

ന്യൂഡൽഹി: കോൺഗ്രസ് അധ്യക്ഷ സോണിയ ഗാന്ധിക്കും മുൻ അധ്യക്ഷൻ രാഹുൽ ഗാന്ധിക്കും ഏർപ്പെടുത്തിയിരുന്ന എസ്.പി.ജി സുരക്ഷ പിൻവലിച്ച കേന്ദ്രസർക്കാർ നടപടിക്കെതിരെ ലോക്സഭ‍യിൽ അടിയന്തര പ്രമേയം. പാർലമെന്‍റ് സമ്മേളനത്തിന്‍റെ രണ്ടാം ദിവസമാണ് കോൺഗ്രസ് സുരക്ഷാ വിഷയം ലോക്സഭയിൽ ഉന്നയിച്ചത്. 28 വ​ർ​ഷ​​ത്തി​നു ശേ​ഷ​മാ​ണ്​ ഗാ​ന്ധി​ കു​ടും​ബ​ത്തി​നു​ള്ള എ​സ്.​പി.​ജി സു​ര​ക്ഷ പി​ൻ​വ​ലിച്ച​ത്.

സോ​ണി​യ ഗാ​ന്ധി​ക്കും രാ​ഹു​ല്‍ ഗാ​ന്ധി​ക്കും പ്രി​യ​ങ്ക ഗാ​ന്ധി​ക്കു​മു​ള്ള സു​ര​ക്ഷ കഴിഞ്ഞ ദിവസം സി.​ആ​ർ.​പി.​എ​ഫ്​ ഏ​റ്റെ​ടു​ത്തിരുന്നു. ഇ​സ്രാ​യേ​ലി എ​ക്​​സ്​ -95, എ.​കെ സീ​രീ​സ്​, എം.​പി-​അ​ഞ്ച്​ തോ​ക്ക് അ​ട​ക്ക​മു​ള്ള ആ​യു​ധ​ങ്ങ​ളു​മാ​യാ​ണ്​ സി.​ആ​ർ.​പി.​എ​ഫ് സു​ര​ക്ഷ​യൊ​രു​ക്കു​ക.

വി.​വി.​ഐ.​പി​ക​ൾ​ക്കു​ള്ള പ്ര​ത്യേ​ക സു​ര​ക്ഷ സേ​ന​യു​ടെ കീ​ഴി​ൽ ഇ​സെ​ഡ്​ പ്ല​സ്​ ​സു​ര​ക്ഷ​യാ​ണ്​ ഇ​നി ഗാ​ന്ധി​ കു​ടും​ബ​ത്തി​ന്​ ന​ൽ​കു​ക. ആ​യു​ധ​ധാ​രി​ക​ളാ​യ ക​മാ​ൻ​ഡോ സം​ഘം 10 ജ​ൻ​പ​ഥി​ലെ സോ​ണി​യ​യു​ടെ വ​സ​തി​ക്ക്​ കാ​വ​ലൊ​രു​ക്കും. സ​മാ​ന സു​ര​ക്ഷ​ത​ന്നെ​യാ​ണ്​ കോ​ൺ​ഗ്ര​സ്​ മു​ൻ അ​ധ്യ​ക്ഷ​നും വ​യ​നാ​ട്​ എം.​പി​യു​മാ​യ രാ​ഹു​ൽ ഗാ​ന്ധി​യു​ടെ തു​ഗ്ല​ക്​ ലെ​യ്​​നി​ലെ വീ​ടി​നും കോ​ൺ​ഗ്ര​സ്​ ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി​യു​ടെ ലോ​ധി എ​സ്​​റ്റേ​റ്റി​ലെ വീ​ടി​നും ന​ൽ​കു​ക.

നിലവിൽ മു​ൻ പ്ര​ധാ​ന​മ​ന്ത്രി​മാ​ര​ട​ക്കം 52 പേ​ർ​ക്കാ​ണ്​ വി.​വി.​ഐ.​പി സു​ര​ക്ഷ ന​ൽ​കു​ന്ന​ത്. ആ​ഭ്യ​ന്ത​ര മ​ന്ത്രി അ​മി​ത്​ ഷാ, റി​ല​യ​ൻ​സ്​ ഇ​ൻ​ഡ​സ്​​ട്രീ​സ്​ ചെ​യ​ർ​മാ​ൻ മു​കേ​ഷ്​ അം​ബാ​നി, ഭാ​ര്യ നീ​ത അം​ബാ​നി എ​ന്നി​വ​ർ ഇ​തി​ൽ ചി​ല​രാ​ണ്. എ​സ്.​പി.​ജി സു​ര​ക്ഷ പ്ര​ധാ​ന​മ​ന്ത്രി​ക്ക്​ മാ​ത്ര​മാ​ക്കാ​നാ​ണ് കേ​ന്ദ്ര​സ​ർ​ക്കാ​ർ തീ​രു​മാ​നം.

മു​ൻ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി​യെ സു​ര​ക്ഷ ജീ​വ​ന​ക്കാ​ർ വെ​ടി​വെ​ച്ച് കൊ​ല​പ്പെ​ടു​ത്തി​യ​തി​ന് പി​ന്നാ​ലെ 1985ലാ​ണ് എ​സ്.​പി.​ജി സു​ര​ക്ഷ സം​വി​ധാ​നം വ​ന്ന​ത്. സാ​യു​ധ​ര​ട​ക്കം 4000 പേ​രാ​ണ്​ എ​സ്.​പി.​ജി അം​ഗ​ങ്ങ​ൾ. മു​ൻ പ്ര​ധാ​ന​മ​ന്ത്രി​മാ​രാ​യ മ​ൻ​മോ​ഹ​ൻ സി​ങ്ങി​​ന്‍റെ​യും എ​ച്ച്.​ഡി. ദേ​വ​ഗൗ​ഡ​യു​ടെ​യും സു​ര​ക്ഷ നേ​ര​ത്തേ പി​ൻ​വ​ലി​ച്ചി​രു​ന്നു. അ​തേ​സ​മ​യം, മു​ൻ പ്ര​ധാ​ന​മ​ന്ത്രി വാ​ജ്പേ​യി​ക്ക് മ​രി​ക്കും​വ​രെ എ​സ്.​പി.​ജി സു​ര​ക്ഷ​യു​ണ്ടാ​യി​രു​ന്നു.