സ്റ്റിയറിങ് കമ്മിറ്റിയിൽ നടന്നത് തിരക്കഥ

റാ​യ്പു​ർ: കോ​ൺ​ഗ്ര​സ് പ്ര​വ​ർ​ത്ത​ക സ​മി​തി​യി​ലേ​ക്ക് മ​ത്സ​രം ഒ​ഴി​വാ​ക്കി​യ സ്റ്റി​യ​റി​ങ് ക​മ്മി​റ്റി യോ​ഗം മു​ൻ​കൂ​ട്ടി ത​യാ​റാ​ക്കി​യ തി​ര​ക്ക​ഥ​യാ​യി. നാ​മ​നി​ർ​ദേ​ശ​ത്തി​ന് പാ​ർ​ട്ടി അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​ക്ക് അ​ധി​കാ​രം ന​ൽ​കി സ്റ്റി​യ​റി​ങ് ക​മ്മി​റ്റി പി​രി​യ​ണ​മെ​ന്ന ​നേ​തൃ​ത്വ​ത്തി​ന്റെ താ​ൽ​പ​ര്യം അ​തേ​പ​ടി ന​ട​പ്പാ​യി.

നെ​ഹ്റു കു​ടും​ബ​ത്തി​നോ വി​ശ്വ​സ്ത നേ​താ​ക്ക​ൾ​ക്കോ തെ​ര​ഞ്ഞെ​ടു​പ്പ് ന​ട​ത്താ​ൻ താ​ൽ​പ​ര്യം ഉ​ണ്ടാ​യി​രു​ന്നി​ല്ല. അ​തി​ന്റെ പ​ഴി വ​രാ​തി​രി​ക്കാ​ൻ സോ​ണി​യ ഗാ​ന്ധി, രാ​ഹു​ൽ ഗാ​ന്ധി, പ്രി​യ​ങ്ക ഗാ​ന്ധി എ​ന്നി​വ​ർ സ്റ്റി​യ​റി​ങ് ക​മ്മി​റ്റി യോ​ഗ​ത്തി​ൽ​നി​ന്ന് വി​ട്ടു​നി​ന്ന​തും മു​ൻ​കൂ​ട്ടി ത​യാ​റാ​ക്കി​യ തി​ര​ക്ക​ഥ. കാ​ര്യ​ങ്ങ​ൾ തി​രി​ച്ച​റി​ഞ്ഞ​വ​ർ ​അ​തി​നൊ​ത്ത നി​ല​പാ​ടാ​ണ് സ്വീ​ക​രി​ച്ച​ത്. യു​വാ​ക്ക​ൾ​ക്ക് പ്രാ​തി​നി​ധ്യം ന​ൽ​ക​ണ​മെ​ന്നും തെ​ര​ഞ്ഞെ​ടു​പ്പു ന​ട​ത്ത​ണ​മെ​ന്നും ക​ഴി​ഞ്ഞ ദി​വ​സ​ങ്ങ​ളി​ൽ പ​റ​ഞ്ഞ പി. ​ചി​ദം​ബ​രം, സ്റ്റി​യ​റി​ങ് ക​മ്മി​റ്റി​യി​ൽ മൗ​നം പാ​ലി​ച്ചു.

45 പേ​ർ പ​​ങ്കെ​ടു​ത്ത​തി​ൽ ദി​ഗ്‍വി​ജ​യ് സി​ങ്, അ​ജ​യ് മാ​ക്ക​ൻ, അ​ഭി​ഷേ​ക് സി​ങ്‍വി എ​ന്നി​വ​ർ മാ​ത്രം തെ​ര​ഞ്ഞെ​ടു​പ്പി​നെ അ​നു​കൂ​ലി​ച്ച് പേ​രി​ന് സം​സാ​രി​ച്ചു. നാ​മ​നി​ർ​ദേ​ശം മ​തി​യെ​ന്ന തീ​രു​മാ​നം ഏ​ക​ക​ണ്ഠ​മാ​ക്കാ​ൻ ആ ​അ​ഭി​​പ്രാ​യ​പ്ര​ക​ട​നം ത​ട​സ്സ​മാ​യി​ല്ല. ​​തെ​ര​ഞ്ഞെ​ടു​പ്പു ത​ന്ത്രം രൂ​പ​പ്പെ​ടു​ത്തേ​ണ്ട ഘ​ട്ട​ത്തി​ലെ അ​നാ​വ​ശ്യ മ​ത്സ​രം, വി​വി​ധ വി​ഭാ​ഗ​ങ്ങ​ൾ​ക്ക് മെ​ച്ച​പ്പെ​ട്ട പ്രാ​തി​നി​ധ്യം തു​ട​ങ്ങി​യ വി​ശ​ദീ​ക​ര​ണ​ങ്ങ​ളി​ലൂ​ടെ നോ​മി​നേ​ഷ​ൻ തീ​രു​മാ​നം നേ​തൃ​ത്വം ന്യാ​യ​ഭ​ദ്ര​മാ​ക്കി. ജി23 ​സം​ഘാം​ഗ​ങ്ങ​ളാ​യ ആ​ന​ന്ദ് ശ​ർ​മ, ഭൂ​പീ​ന്ദ​ർ​സി​ങ് ഹൂ​ഡ തു​ട​ങ്ങി​യ​വ​രാ​ക​ട്ടെ, നോ​മി​നേ​ഷ​നി​ലൂ​ടെ വീ​ണ്ടും പ്ര​വ​ർ​ത്ത​ക സ​മി​തി​യി​ൽ എ​ത്താ​മെ​ന്ന് ഉ​റ​പ്പി​ച്ചി​ട്ടു​ണ്ട്. ശ​ശി ത​രൂ​രി​ന്റെ മ​ത്സ​രാ​വേ​ശം കെ​ട്ടു​പോ​യ​തി​നും ഇ​ത്ത​രം ഉ​റ​പ്പു​ക​ൾ കാ​ര​ണ​മാ​ണെ​ന്ന് പ​റ​യു​ന്നു.

സ്റ്റി​യ​റി​ങ് ക​മ്മി​റ്റി​ക്കു മു​മ്പ് തെ​ര​ഞ്ഞെ​ടു​പ്പി​ലേ​ക്ക് നീ​ങ്ങു​ന്ന​തി​ന്റെ ഒ​രു ല​ക്ഷ​ണ​വും ഉ​ണ്ടാ​യി​രു​ന്നി​ല്ല. തെ​ര​ഞ്ഞെ​ടു​പ്പു ന​ട​ന്ന മു​ൻ​കാ​ല പ്ലീ​ന​റി സ​മ്മേ​ള​ന​ങ്ങ​ളി​ൽ അ​തി​​ന്റെ മു​ന്നൊ​രു​ക്കം നേ​ര​ത്തേ പ്ര​തി​ഫ​ലി​ച്ചി​രു​ന്നു. തെ​ര​ഞ്ഞെ​ടു​പ്പ് തീ​രു​മാ​നി​ച്ചാ​ൽ സ്ഥാ​നാ​ർ​ഥി​ക​ൾ​ക്ക് വോ​ട്ടു സ​മാ​ഹ​ര​ണ​ത്തി​നും മ​റ്റും സ​മ​യം​ വേ​ണം. അ​ത്ത​ര​ത്തി​ലൊ​രു നീ​ക്ക​ങ്ങ​ളു​മി​ല്ലാ​തെ, നോ​മി​നേ​ഷ​ൻ എ​ന്ന് ഉ​റ​പ്പി​ച്ച മ​ട്ടി​ലാ​യി​രു​ന്നു എ​ല്ലാ നേ​താ​ക്ക​ളും.