സംസ്​ഥാനങ്ങൾക്കായി പ്രത്യേക സാമ്പത്തിക പാക്കേജ്​ പ്രഖ്യാപിക്കണം - കോൺഗ്രസ്​

ന്യൂഡൽഹി: കോവിഡ്​ പ്രതിസന്ധിയിൽ മുന്നിൽ നിന്ന്​ പോരാടുന്ന സംസ്​ഥാനങ്ങൾക്കായി പ്രത്യേക സാമ്പത്തിക പാക്കേ ജ്​ കേന്ദ്രം പ്രഖ്യാപിക്കണമെന്ന്​ കോൺഗ്രസ്​. വലിയ ​പ്രതിസന്ധി അനുഭവിക്കുന്ന സംസ്​ഥാന സർക്കാറുകളെ ശക്​തിപ് പെടുത്തുകയാണ്​ ഇൗ ഘട്ടത്തിൽ ചെയ്യേണ്ടതെന്നും ലക്ഷം കോടി രൂപയെങ്കിലും ഇതിനായി വകയിരുത്തണമെന്നും കോൺഗ്രസ്​ വക്​താവ്​ സുപ്രിയ വാർത്താസമ്മേളനത്തിൽ പറഞ്ഞു.

പ്രതിരോധ പ്രവർത്തനങ്ങൾക്കും ചികിത്സാ സംവിധാനങ്ങൾ ഒരുക് കാനും പണം കണ്ടെത്താനാകാതെ പ്രയാസപ്പെടുകയാണ്​ സംസ്​ഥാനങ്ങൾ. വിഭവ സമാഹരണത്തിന്​ സംസ്​ഥാന സർക്കാറുകൾക്ക്​ പരിമിതി ഉണ്ട്​. ഇത്​ മറികടക്കാൻ സഹായിക്കേണ്ടത്​ കേന്ദ്ര സർക്കാറാണ്​. കേന്ദ്രം കുടിശ്ശിക വരുത്തിയ സംസ്​ഥാന വിഹിതങ്ങൾ ഉടനെ വിതരണം ചെയ്യുകയും റിസർവ്​ ബാങ്കിൽ നിന്ന്​ സംസ്​ഥാനങ്ങൾക്ക്​ ​എളുപ്പത്തിൽ വായ്​പകൾ സാധ്യമാക്കുകയും വേണം.

സംസ്​ഥാനങ്ങളെ ശക്​തിപ്പെടുത്തുകയും പ്രാദേശികമായ സാഹചര്യങ്ങൾക്കനുസരിച്ച്​ ഒാരോ സംസ്​ഥാനത്തും നയം രൂപപ്പെടുത്തുകയും ചെയ്​താൽ മാത്രമേ ഇൗ ദുരന്തത്തെ അതിജീവിക്കാനാകൂ. എന്നാൽ, സംസ്​ഥാനങ്ങളൊക്കെ വലിയ സാമ്പത്തിക പ്രതിസന്ധിയിലാണ്​.

സംസ്​ഥാനങ്ങൾക്കായി ലക്ഷം കോടിയുടെ പാക്കേജെങ്കിലും ഉടനെ ഉണ്ടാക്കേണ്ടതുണ്ട്​. സംസ്​ഥാനങ്ങളിലെ കോവിഡ്​ വ്യാപനത്തി​​െൻറയും ആഘാതങ്ങളുടെയും വ്യാപ്​തി അനുസരിച്ചും ജനസംഖ്യാ തോതനുസരിച്ചും ഇൗ തുക വിതരണം ചെയ്യണം. ഉഷ്​​ണ മാപിനികളും പ്രത്യേക ആശുപത്രികളും ചികിത്സാ സന്നാഹങ്ങളുമൊക്കെ ഒരുക്കാൻ സംസ്​ഥാനങ്ങൾക്ക്​ കഴിയേണ്ടതുണ്ട്​.

സംസ്​ഥാനങ്ങൾക്ക്​ ​കൊടുക്കാനുള്ള 48000 കോടി രൂപ ജി.എസ്.ടി വിഹിതം കേന്ദ്രം തടഞ്ഞ്​വെച്ചിരിക്കുകയാണ്​. ബി.ജെ.പി ഭരിക്കുന്ന സംസ്​ഥാനങ്ങളടക്കം ജി.എസ്​.ടി വിഹിതം അനുവദിക്കാനായി ​കേന്ദ്രത്തോട്​ നിരന്തരം ആവശ്യപ്പെടുന്നുണ്ട്​. ​ഫെഡറൽ സംവിധാനത്തി​​െൻറ സത്ത ഉൾക്കൊണ്ട്​, ഇൗ യുദ്ധത്തിൽ സംസ്​ഥാനങ്ങളെ സഹായിക്കാൻ കേന്ദ്രം തയാറാകണമെന്നും കോൺഗ്രസ്​ ആവശ്യപ്പെട്ടു.

അന്തർസംസ്​ഥാന ഗതാഗതവും ചരക്ക്​ നീക്കവും സുഗമമാണെന്ന്​ കേന്ദ്രം ഉറപ്പ്​ വരുത്തേണ്ടതുണ്ട്​. ഇത്​ പലയിടത്തും പ്രതിസന്ധി നേരിടുന്നുണ്ടെങ്കിലും പരിഹാരത്തിന്​ കേന്ദ്രം നടപടികളൊന്നും എടുത്തിട്ടില്ല. ഏകപക്ഷീയമായ പ്രഖ്യാപനങ്ങളേക്കാൾ എല്ലാവരെയും വിശ്വാസത്തിലെടുത്തുള്ള തീരുമാനങ്ങളാണ്​ ഇൗ ഘട്ടത്തിൽ രാജ്യത്തിന്​ ആവശ്യമെന്നും അവർ പറഞ്ഞു.