Begin typing your search above and press return to search.
exit_to_app
exit_to_app
Priyanka Gandhi
cancel
Homechevron_rightNewschevron_rightIndiachevron_rightയു.പിയിൽ എസ്​.പിയും...

യു.പിയിൽ എസ്​.പിയും ബി.എസ്​.പിയുമായും സഖ്യമില്ലെന്ന്​ കോൺഗ്രസ്​; പ്രിയങ്കയെ മുൻനിർത്തി തെരഞ്ഞെടുപ്പ്​ നേരിടും

text_fields
bookmark_border

ന്യൂഡൽഹി: ഉത്തർപ്രദേശിൽ നിയമസഭ തെരഞ്ഞെടുപ്പിൽ സമാജ്​വാദി പാർട്ടിയായും ബഹുജൻ സമാജ്​വാദിയായുമുള്ള സഖ്യസാധ്യത തള്ളി കോൺഗ്രസ്​. യു.പിയിൽ ചെറുപാർട്ടികളുമായി കൈകോർക്കുമെന്നും വലിയ പാർട്ടികളുമായി ഒരുമിച്ച്​ പ്രവർത്തിക്കുന്ന കാര്യം ചിന്തിച്ചിട്ടുപോലു​മില്ലെന്നും കോൺഗ്രസ്​ നേതാവ്​ അജയ്​ കുമാർ ലല്ലു പറഞ്ഞു.

ഉത്തർപ്രദേശിൽ 32വർഷം ബി.ജെ.പിയും എസ്​.പിയും ബി.എസ്​.പിയും മാറി ഭരിച്ചു. കോൺ​ഗ്രസ്​ ഇതുവരെ അധികാരത്തിലെത്തിയിട്ടില്ല. ജനങ്ങളുടെ പ്രതീക്ഷകൾ നിറവേറ്റുന്നതിൽ ഇവർ പരാജയപ്പെട്ടു. സംസ്​ഥാനത്ത്​ കോൺ​ഗ്രസ്​ തിരിച്ചുവരവിന്​ ഒരുക്കമാണെന്നും അദ്ദേഹം പറഞ്ഞു.

ഉത്തർപ്രദേശിനെ വിലയിരുത്തുന്ന എല്ലാവരുടെയും ​അഭി​പ്രായം അടുത്ത തെരഞ്ഞെടുപ്പിൽ ബി.ജെപിയുടെ മുഖ്യഎതിരാളിയായി കോൺഗ്രസ്​ വരുമെന്നതാണ്​. അതിൽ പാർട്ടി ആത്മവിശ്വാസവും പ്രകടിപ്പിക്കുന്നു. കോൺഗ്രസ്​ നേതാവ്​ പ്രിയങ്ക ഗാന്ധിയുടെ നേതൃത്വത്തിൽ വിജയം നേടുകയും അടുത്ത സർക്കാർ രൂപവത്​കരിക്കുകയും ചെയ്യും -അദ്ദേഹം കൂട്ടിച്ചേർത്തു.

2022ലെ നിയമസഭ തെരഞ്ഞെടുപ്പിൽ എസ്​.പിയും ബി.ജെ.പിയും തമ്മിലാകും മത്സരമെന്ന അഭിപ്രായങ്ങൾ മാധ്യമ സൃഷ്​ടികളാണെന്നും അദ്ദേഹം പറഞ്ഞു.

അതേസമയം, എസ്​.പിയു​ം ബി.എസ്​.പിയും കോൺഗ്രസുമായുള്ള സഖ്യസാധ്യത തള്ളികളഞ്ഞിരുന്നു. ചെറുപാർട്ടികളുമായി ചേർന്ന്​ മത്സരിക്കുമെന്ന്​ എസ്​.പിയുടെ അഖിലേഷ്​ യാദവ്​ നേരത്തേ വ്യക്തമാക്കിയിരുന്നു. എന്നാൽ, ഒറ്റക്ക്​ ബി.ജെ.പിയെ നേരിടുമെന്നായിരുന്നു ബി.എസ്​.പിയിലെ മായാവതിയുടെ പ്രതികരണം.

Show Full Article
TAGS:Congress SP BSP Priyanka Gandhi 
News Summary - Congress rules out tie-ups with SP, BSP win the elections under the leadership of Priyanka Gandhi
Next Story