മോദിസർക്കാറിനെതിരെ കോൺഗ്രസ്​ പ്ര​ക്ഷോഭം

ന്യൂഡൽഹി: മോദിസർക്കാറി​​െൻറ വികല നയങ്ങൾക്കെതിരെ ദേശവ്യാപക പ്രതിഷേധത്തിന്​ കോൺഗ്രസ്​. അടുത്തമാസം അഞ്ചു മു തൽ 15 വരെയാണ്​ സമരം. ഒപ്പുവെക്കാൻ ഒരുങ്ങുന്ന മേഖല സമഗ്ര സാമ്പത്തിക പങ്കാളിത്ത കരാറി​​െൻറ പ്രത്യാഘാതങ്ങൾ, സാമ്പത്തിക പ്രതിസന്ധി, തൊഴിലില്ലായ്​മ, വിലക്കയറ്റം, ബാങ്കിങ്​ മേഖല തകർച്ച, തൊഴിലവസര നഷ്​ടം, കർഷകപ്രശ്​നം എന്നിവ പ്രധാന വിഷയങ്ങളായി ഉയർത്തിക്കാട്ടും.

സംസ്ഥാന തലസ്ഥാനങ്ങളിലാണ്​ അഞ്ചു മുതൽ 15 വരെയുള്ള കാലയളവിൽ പ്രതിഷേധം. തുടർന്ന്​ ജില്ല കേന്ദ്രങ്ങളിൽ. നവംബർ അവസാനവാരം ഡൽഹിയിൽ പ്രകടനം. പ്രക്ഷോഭത്തി​​െൻറ തയാറെടുപ്പിന്​ എ.ഐ.സി.സി ജനറൽ സെക്രട്ടറിമാരുടെയും പോഷക സംഘടന നേതാക്കളുടെയും മറ്റും യോഗം പാർട്ടി അധ്യക്ഷ സോണിയ ഗാന്ധിയുടെ അധ്യക്ഷതയിൽ ശനിയാഴ്​ച നടക്കുമെന്ന്​ സംഘടന ചുമതലയുള്ള എ.ഐ.സി.സി ജനറൽ സെക്രട്ടറി കെ.സി വേണുഗോപാൽ അറിയിച്ചു.