കോൺഗ്രസിന് പുതിയ അധ്യക്ഷൻ ഡിസംബറിൽ

ന്യൂഡൽഹി: കോ​ൺ​ഗ്ര​സ്​ പ്രസിഡന്‍റ് തെരഞ്ഞെടുപ്പിന്‍റെ തീയതി പാ​ർ​ട്ടി പ്ര​വ​ർ​ത്ത​ക​സ​മി​തി യോഗം പ്രഖ്യാപിച്ചു. ഡിസംബർ 16നാണ് വോട്ടെടുപ്പ്. തെരഞ്ഞെടുപ്പ് വിജ്ഞാപനം ഡിസംബർ ഒന്നിന് പുറത്തിറക്കും. നാമനിർദേശ പത്രിക സമർപ്പിക്കാനുള്ള അവസാന തീയതി ഡിസംബർ നാല്. അഞ്ചിന് സൂക്ഷ്മ പരിശോധന. ഡിസംബർ 11ന് പത്രിക പിൻവലിക്കലും അന്തിമ പട്ടിക പുറത്തിറക്കലും. ഡിസംബർ 19ന് വോട്ടെണ്ണലും ഫലം പ്രഖ്യാപനവും നടക്കും. പ്രവർത്തക സമിതിയുടെ അംഗീകാരം ലഭിച്ചതിന് പിന്നാലെ കേന്ദ്ര തെരഞ്ഞെടുപ്പ്​ സമിതി അധ്യക്ഷൻ മുല്ലപ്പള്ളി രാമചന്ദ്രനാണ് തീയതി പ്രഖ്യാപിച്ചത്. 

രാജ്യത്തെ മുഴുവൻ പ്രദേശ് കോൺഗ്രസ് കമ്മിറ്റികളും രാഹുലിന്‍റെ പേര് നിർദേശിച്ച സാഹചര്യത്തിൽ അദ്ദേഹത്തിന് എതിർ സ്ഥാനാർഥികൾ ഉണ്ടാവാൻ ഇടയില്ല. അതിനാൽ പത്രിക പിൻവലിക്കാനുള്ള തീയതിയായ ഡിസംബർ നാലിന് തന്നെ പുതിയ അധ്യക്ഷന്‍റെ പേര് ഒൗദ്യോഗികമായി പ്രഖ്യേപിച്ചേക്കും. ഡി​സം​ബ​റി​ൽ ചേരുന്ന എ.​െ​എ.​സി.​സി സ​മ്മേ​ള​ന​ത്തിലാ​ണ്​ രാ​ഹു​ലി​നെ പ്ര​സി​ഡ​ൻ​റാ​യി വാ​ഴി​ക്കു​ന്ന പ്ര​ക്രി​യ പൂ​ർ​ത്തി​യാ​ക്കു​ക. 

കോൺഗ്രസ് പ്രവർത്തക സമിതിയോഗം

 

രാ​ഹു​ൽ ഗാ​ന്ധി​യെ ഒൗ​പ​ചാ​രി​ക​മാ​യി അധ്യക്ഷനായി തെ​ര​ഞ്ഞെ​ടു​ക്കു​ന്ന​തി​​​​​ന്‍റെ സ​മ​യം തീ​രു​മാ​നി​ക്കാ​നുള്ള നിർണായക യോഗം കോ​ൺ​ഗ്ര​സ്​ അ​ധ്യ​ക്ഷ സോ​ണി​യ ഗാ​ന്ധി​യു​ടെ വ​സ​തി​യാ​യ 10 ജ​ൻ​പ​ഥി​ലാണ് ചേർന്നത്. പ്രവർത്തക സമിതിയംഗങ്ങളെ കൂടാതെ പ്രത്യേക ക്ഷണിതാക്കളും യോഗത്തിൽ പങ്കെടുത്തു. അധ്യക്ഷ പദവിയിലേക്ക് രാ​ഹു​ലി​ന്​ എ​തി​ർ ​സ്​​ഥാ​നാ​ർ​ഥി​കളില്ലെങ്കിലും സം​ഘ​ട​ന​പ​ര​മാ​യ അം​ഗീ​കാ​ര ​ന​ട​പ​ടികൾ പൂ​ർ​ത്തി​യാ​ക്കാൻ സോ​ണി​യ നി​​ർ​ദേ​ശി​ച്ച​തി​​​​​​​​​​െൻറ അ​ടി​സ്​​ഥാ​ന​ത്തി​ലാ​യിരുന്നു യോ​ഗം. 

ഡിസംബർ നടക്കുന്ന ഗുജറാത്ത്​ തെരഞ്ഞെടുപ്പി​ന്‍റെ വേളയിൽ തന്നെ പാർട്ടി അധ്യക്ഷനെ തെരഞ്ഞെടുക്കാനാണ്​ കോൺഗ്രസ്​ നീക്കം. തെ​ര​ഞ്ഞെ​ടു​പ്പ്​ രം​ഗം ചൂ​ടു​പി​ടി​ക്കു​ന്ന​തി​നൊ​പ്പം രാ​ഹു​ലി​നെ ഒൗ​പ​ചാ​രി​ക​മാ​യി പാ​ർ​ട്ടി​യു​ടെ അ​മ​ര​ത്ത്​ എ​ത്തി​ക്കു​ക​യാ​ണ്​ കോ​ൺ​ഗ്ര​സി​​​​​​​​െൻറ ലക്ഷ്യം. അ​ടു​ത്ത പൊ​തു​തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​നെ ന​യി​ക്കു​ക​ രാ​ഹു​ൽ ആ​യി​രി​ക്കും.

ആഭ്യന്തര പ്രശ്നങ്ങളെ തുടർന്ന് പാർട്ടി തകർച്ചയെ അഭിമുഖീകരിച്ച 1998ലാണ് സോണിയ ഗാന്ധി കോൺഗ്രസ് അധ്യക്ഷ പദവിയിലെത്തുന്നത്. യു.പി.എ എന്ന രാഷ്ട്രീയ മുന്നണിക്ക് രൂപം നൽകിയ സോണിയ, കോൺഗ്രസിനെ അധികാരത്തിലേക്ക് തിരികെ കൊണ്ടുവന്നു. കഴിഞ്ഞ 19 വർഷമായി അവർക്ക് പാർട്ടിയിൽ എതിരാളികളില്ല. അടുത്ത കാലത്ത് അസുഖത്തെ തുടർന്ന് 70കാരിയായ സോണിയക്ക് പൂർണ വിശ്രമം ഡോക്ടർമാർ നിർദേശിച്ചിരുന്നു. തുടർന്ന് 2013ൽ രാഹുൽ ഗാന്ധിയെ കോൺഗ്രസ് ഉപാധ്യക്ഷനായി തെരഞ്ഞെടുത്തു. 

Here is the schedule for the election of Congress President, as approved by the Congress Working Committee today. pic.twitter.com/MF43tsZYlY

— Congress (@INCIndia) November 20, 2017