കോൺഗ്രസി​െൻറത്​ ലോലിപോപ്പ്​ രാഷ്​ട്രീയം - മോദി

ന്യൂഡൽഹി: വികസനം അടിസ്​ഥാനമാക്കിയാണ്​ ബി.ജെ.പിയു​െട പ്രവർത്തനങ്ങളെന്ന്​ പ്രധാനമന്ത്രി നരേന്ദ്രമോദി. രാഷ്​ട്രീയത്തേക്കാൾ മുൻതൂക്കം വികസനത്തിനാണ്​ ബി.ജെ.പി നൽകുന്നതെന്നും അതുകൊണ്ടാണ്​ തെരഞ്ഞെടുപ്പിൽ പോരാടാനും ഭരിക്കാനും പാർട്ടിക്കാവുന്നതെന്നും മോദി പറഞ്ഞു. 

കർണാടക തെരഞ്ഞെടുപ്പ്​ അടുത്തിരിക്കെ നമോ ആപ്പിലൂടെ സംസ്​ഥാനത്തെ ബി.ജെ.പി പ്രവർത്തകരെ അഭിസം​േബാധന ചെയ്യുകയായിരുന്നു മോദി. മുൻ സർക്കാർ വികസനത്തെ കുറിച്ച്​ സംസാരിച്ചിരുന്നില്ല. വിഭജനത്തിൽ മാത്രം ശ്രദ്ധകേന്ദ്രീകരിക്കുന്ന പാർട്ടികൾക്ക്​ വികസനത്തെ കുറിച്ച്​ ഒന്നും പറയാനുണ്ടാകില്ല. ജാതി അടിസ്​ഥാനത്തിലുള്ള രാഷ്​ട്രീയം നടപ്പാക്കുന്നവർക്ക്​ വികസനം ഒരു പ്രശ്​നമല്ല. അവർ പ്രത്യേക സമുദായങ്ങൾക്ക്​ വ്യാജ വാഗ്​ദാനങ്ങൾ നൽകി ലോലിപോപ്പ്​ രാഷ്​ട്രീയം കളിക്കുകയാണെന്നും മോദി ആരോപിച്ചു. 

ബി.ജെ.പിയുടെ പ്രവർത്തകർക്ക്​ നുണകളോടും കൃത്രിമങ്ങളോടും മല്ലിടേണ്ടിവരും. ആ സമയം പ്രവർത്തകർ തളരരുത്​. നമുക്ക്​ പ്രധാനമെന്ന്​ തോന്നുന്ന പ്രവർത്തനങ്ങളുമായി മുന്നോട്ടു പോകണമെന്നും മോദി പറഞ്ഞു. 

കർണാടകയിൽ ബി.ജെ.പിക്ക്​ മൂന്ന്​ പ്രധാന അജണ്ടകളാണുള്ളത്​. എല്ലാതലങ്ങളിലുമുള്ള അതിവേഗ വികസനത്തിനാണ്​ പാർട്ടി പ്രാമുഖ്യം നൽകുന്നത്​. നാം ഭരിക്കുകയും തെരഞ്ഞെടുപ്പിൽ പോരാടുകയും ചെയ്യുന്നത്​ വികസനത്തി​​​െൻറ പേരിലായിരിക്കുമെന്നും അദ്ദേഹം പറഞ്ഞു. 

കർണാടകക്ക്​ 17,000 കിലോമീറ്റർ റോഡ്​ പണിയാനാവശ്യമായ ഫണ്ട്​ നൽകി. കോൺഗ്രസ്​ ഭരണ കാലത്ത്​ 2000 മെഗാ വാട്ട്​ വൈദ്യുതി ഉത്​പാദിപ്പിച്ചിരുന്ന സ്​ഥാനത്ത്​ 7800 മെഗാവാട്ടായി ഉയർത്തി. സാധാരണക്കാർക്ക്​ സഹായകരമാകും വിധം സോളാർ വൈദ്യുതിയും ഉത്​പാദിപ്പിച്ചുവെന്നും മോദി അവകാശപ്പെട്ടു.